Dam sungin in tlentui zarah,
Lungawi te’n khawm hrih hman nungla;
Tapin tiansal leh a tul si,
Aw ka ngai ṭhenlonak ram khi.
Ruundamtui’ hmun rem ciaah cun,
Hi leiih kan ṭhen zo hnu hi;
Catuan lal tohkham cingkimin,
Aw ziangtik maw kan khawm ve ding.
A lang e Kalvari tlang ah,
Thlir uhsi ṭhenlonak ram cu;
Kan lennak tlang cu dang hmanseh,
Rinnak hmunkhat te’n leng uhsi.
Au hlan ningla kan Bawipa cu,
Khawhar fahniang in hnemtu ah;
Amah lo hnemtu dang umlo,
Lungawinak caan a tawi hlei e.
Hi khawvel leitlun hmanah hin,
A duhdawtnak thla zar hnuaiah;
Lungawite’n in hruaikhawm leh ding,
Tapin rak ṭian hrih hman nungla.