Ka lei damsung nun hi caan tawite sihmanseh,
Bawipai' duh lo zawng nun ka phang e;
Ka neh theilo sualnak, thinhar in ka buai ee,
Bawipai' Thlarau Thianghlim bawmtu ding ka ṭul e.
Zion fa lo cun vanram an lut lo ding,
Bawipai' remmi sui khawpi ah;
Ka thleng leh ding, cui hmun thihnak tiva ral ram,
Sualnak a umlo ding, lungawinak a kim ding.
Ka neh theilo sualnak leitlun nomsaknak hi,
Sualnak phunkip in i naih sinsin,
Ka fehnak lamtluan ah tluknak ding tam hmanseh,
Jesuh Khrih ka zoh cun, ka buainak a kiangsal.
A caan caan ah sualin i neh caan um hmanseh,
Bawipai' kutcak in kei i hruai ṭheu;
Ka nunnak cu sualih siatral ding i sianglo,
Zion ram cotu-ah Bawipa’n i hril zo si.