Ka Bawipa na si na aw ka thei zo,
In duhnak thu in sim zo;
Zumnak in na ṭaang sung i thlen ter aw,
Na hnenah i naih ter aw.
Bawipai' thihnak thinglamtah kiang ah,
Keimah i naih ter sin aw;
Naih sin, naih sin, naih sin,
I naih ter sin aw, na thii thlet mi luang hmun ah.
Pathian hnaṭuan ding Bawipa’n i hrilseh,
A zangfahnak thawm ring in;
Ruahsannak lung in van i cuan terseh,
Ka duhnak na ta bangin.
Caan tawite hmanseh, na duhnak bangin,
Hman ka duh nangmai hmai ah;
Pathian ke hram ah thla ka cam tikah,
Ka lo dil rualṭha bangin.
Ka theih banlomi dawtnak thuk a um,
Tiva ral ka lan hlan tiang;
Ka banlo dingmi lawmnak sang a um,
Na ṭaangah ka thlen hlan tiang.