Ka tho dingih ka pai hnenah ka kirsal ding,
Ka hmaiah suum thim in i zel;
Zangfah lainat tu dang umlo,
Khawvelah hin ka Pa lo cu ka doral maw.
Sualin hlohsanhman ningla,
A ṭhatnak cuai cuang lo;
Sual sirih ka pan leh cun,
A zar ka to leh ding.
Ka pa’i innah hman ding hlawnsum thil a um kha,
Rethei zonzai thin hnemtuah;
Kei cu taklawng le laiṭam in, ka thi ding maw,
Ziang ah rethei bangin ka vah.
Ka pa’i hnenih ka um lai kha ka va ngai em,
Leitlun mawinak ka hawl hmuahhmuah,
Ka ruahsalah ka pai; inn sung,
Ka ngai zual sin thupha cawi ding kasilo maw?
Kei misual thinhar thlentu le timualphotu,
Ka hrangih hmun a sianah cun,
Leitlun mawinak ka doral lian,
Ka ngai lo ding a parmawi caan a tawi hlei e.