Ka thlarau ngai aw, hla an sak vanmi in,
Vanrang deng le tipi kaanin a thang;
A thawmṭha in lei le van hram tiang a hnin,
Sualnak umlo in nunnak ni a tlang.
Vancung mi in an hngah lai ah hla an sak,
An hla rem mawi in kan lung a nuam ter,
Tap in khua zan hmanseh zing lam lungawinak,
Thihnak thimzing cu dawtnak in tleu ter.
Zan lam darkhing tum thawng hla pi in a thang,
Jesuh kawhnak aw in mi lung a zeel;
Sirnak lung nei a thawngza in an ngai tlang,
Tuukhal Bawipa in a veel in a zeel.
Hla aw ring cu ngai in hmai lam nor uhsi,
Rethei mitla Jesu'n ra uh a ti,
In kawhnak aw khawthim hmun tiangin thang ter,
An aw mawinak in vancung i ngai ter,
Ninghannak caan cu saupi hrih hmansehla,
Khawthim hlo in lungawinak a thleng ding,
Rethei mi fehnak lamzin a net tikah,
Thlarau thlangamnak sui khua kan thleng ding.