Ka buainak ram thlalerah hin,
Ka Lal in tlentu hmel duhnung;
Va ralih rem cia mi ram khi,
Ngaiin ka lung a leng mang e.
Cui rammawi ah kan cawl ve ding,
Bawipai' cennak rammawiah cun;
Ka cawl ve ding buainak ralah,
Ka hrang kumkhua ralmuannak ah.
Hmun ka siam ding Bawipa’n a ti,
Zumtu pawl lungawi colhmun ding;
Ka ngai lo ding ka lei nun hi,
A rem cia ram ka thlen tikah.
Hi lei ramah hmun neilo in,
Harnak tuarin um hman ningla;
Bawipa’n ka hrang a remmi ah,
Ka cawl ve ding tiva kamah.
Zai rem uh si Bawipa lawmin,
Tuu nunnem thah zo thosal cun;
Ka ra kirsal leh ding a ti,
Lawm uh, ninghang mi lungawi uh.