Damlai ni a liamsin, a nomnak hmuahhmuah thawn,
Fúnglo in Bawipai' hrang hna ṭuan thok a cu thlang;
Zángfahnak caan sunglawi a cem zik thlang fawn si,
Aw unau nang le kei Bawpa’n in hngak a si.
Aw ka rual tho thlang aw, caan ṭha a liamsin e,
Kan cahnak, kan thiamnak Bawipan a hmang duh e;
Cahlai ni, ṭhat lai caan, Bawi Jesuh ta a si,
Lungrualte'n tho thlang uh si,
Bawipai' hrang ṭuan thlang uh si.
Bawipai' cahnak ring in sual doral lian hmanseh,
Kan fehsin ding, Bawipa'n in hruai dingin bawm ding;
Harnak poisalo in Bawipai' Kros pu uh si,
Damlai ni liam tiangin Bawipai' hrang rin um in.
Riahsiat buainak harnak le thlemnak lak khalah,
Khrih ih dungthlun dingin mino pawl kan poimawh;
Sual ral lian in, nitin in cimbuai ṭheu hmanseh,
In buai ter theilo ding Bawi Jesuh kan zoh cun.