Dam sung nun hi ka vun ruahsal tikah,
Leitlun le a sung ih thil um mi hi;
An mawinak le an parṭhat lai tla hi,
Seherh tlak an umlo an ziam mai ṭheu.
Vancungah khin maw ka Bawi Jesuh,
Nangmah siarlo ziang dang so ka neih ih;
Nangmah ka lo neih hnuah hi cun,
Leitlun khalah hai mi dang ka neilo.
Ka thinlung le ka taksa pawl tla hi,
Caklo in ṭumsuk sinsin hmansehla;
Bawipa cu ka cahnak thazang a si,
Amah lawng kumkhua ka ṭulmi a si.
Duhmi a tam thlaler leiram hi,
Duhthusam bang a kim thei si lo;
Hmanseh Bawipa nang ka hnen na um cun,
Nun a kim zo hai mi dang ka neilo.
Jesuh nei si loih len hnak cun,
Amah neih hi a ṭha a sunglawi bik;
Hnangamnak le daihnak kim in petu,
Jesuh cu kan ziangkim ih kan ziangkim.