Itṭhat pawl kai thotu Thlarau Thianghlim,
Na lamhruainak kan ṭul a si;
In ṭhangphawk leh hram aw Bawipa,
Thlarau Thianghlim kan ṭul asi.
Ringzet in kan au ih an theilo,
Neem zet in kan sim ih an theilo;
Ziang tinso kan ti ding Bawipa,
Tu ah ṭhangphawk kan ṭul a si.
A sim ih simmen le ṭong cu a ol,
Nun caan hmuh ding ziang um si lo;
Ṭonglo khan ziaza ṭhatnak in,
Piantharnak hi langter uh si.
Ngah lam le neihlam cu a ol zet nan,
Peksal lam cu kan harsa si;
Ringzet ih au le sim hnak cun,
Nundan langter hi a ṭha sawn.
Thungaithlak in Bawipa in zoh hman law,
Nuncaan um daan zoh kan mawi maw?
Keimah ah nang rung lang aw la,
Ṭong lo khan nun in ka sim ding.