A thleng ding kan hngah thihnak cu, Kan hrang caan tawi te a um;
Zing khawtleu mawi kan hngah mi cu, Ni tin in kan naih sinsin;
Hi lei thimnak a cem tik ah, Kan lungthin a tleu var ding;
Khi hmunah van ar si bang in, Kum khua in kan tleu lan ding.
Fang at tu'n a ah net tiang in, A khawm nak caan tiang hngakin;
Harnak hmuahhmuah in an liam zo, Vancung ram a nai sinsin;
Fang aattu'n fang lak ṭha hmuah in, Zam rangin a khawm cing ding;
Lei tlun lung awinak cem ding cu, Zam rangin feh san ka duh.
Van mi thiang mi'n vancung sangka, An ong ding caan khi hngakin;
Kei rethei mang bang kut lawng in, Sangka hram kiang ah dingin;
An thawm thang le an au aw cu, Ka lungthin sung ah a thang;
An mi kawh nak le sawm nak aw, Ni tin in kei ka hngak ding.
Ziangtik hmanih ka hmuh dah lo, Hmun nuam sawn cu ka co ding;
Cui hmunah nunnak pangpar mawi, Kumkhuain a cuai lo ding.
In rundamnak kim cu hngakin, Ruuntu Bawipai' lawmnak thawn;
Cui hmunah sual hmuah a hlo ding, Ninghan, nat a um lo ding.