Hlanah Mosia’n Kanaan ram a thlir,
Luah theilo in Lal thutiam cu phurin;
Kanaan ram sunglawi le a mawinak a hmu,
Sirsalih ngaiin a ṭap na maw.
Aw kei khal Kanaan thar cu ka thlir,
Ka cahnak ringin ka thleng lo ding;
Hmanseh Lal Jehova’n lam in hruai ding,
Vancung ram nuam cu ka hung hmu ve ding.
Kanaan cumci le ni tla zam vel,
Hruaitu Mosia’n duhsahin a hun cuan;
Jordan ral kai cu Lalin a sianglo ve,
A dawt fahniang cu a hrialsan ta.
Lung tileng tlang cu ka va ngai em,
A mawi hleice Bawipai' uknak ram cu;
Cui hmun nuamah Bawi Jesu’n ro a rel e,
A sirah Lalnak parin a bawm.
Kanaan pangparmawi le khawtlang cu,
Hruaitu Mosia’n hnu lam a hoisan zo;
Ngai lo bangin Salem tlangpar a kai e,
Israel fate cu ngai na maw.