Ka lungsungah hla mawi ngaingai khi,
Jesuh’n a sak nemte in,
Ṭih hlah, na hnen ah ka um ti in,
Daite in um aw, in ti.
Jesuh Bawipa a si, Hmin thlumbik a si;
Ka duhnak a kimter, Fehphah in hla in sak ter.
Sualnak in kan nunnak hri phiar cu,
A cat ter i an siat zo,
Sihmanseh Jesuh’n a peh sal zo,
Tu cu lungawi in ka um.
A thawmlian cu ka lennak a si,
A thla hnuai ah i himter,
A hmaizal kha ka zoh camcin i,
Lungawi in hla i sak ter.
A rei hlan ah a rungṭum cing ding,
A hnenah i hruai ve ding,
Theih lo ram nuam ah khin kan zuang ding.
Amah thawn kan uk tlang ding.