Hi leitlun sualnakin i kulhvelih,
Sual sungin ruun suaktu ka hawl ih;
An umlo vanrang tang leitlun mi lakah,
Hmanseh Bawi Jesu’n kei i ruundam zo.
Ka thangṭhat ding Bawi Jesuh,
Thiamcotertu ka nei zo;
Ka ṭihlo Pathian hmaiah in hek theitu ding,
An umlo, thiamco-in kei ka um zo.
Sual ruangih thiamlo co thi ding ka si,
Hmanseh Bawi Jesu’n ka ai a tuar;
Setan kut sungihsalin kei ka luat zo,
A duhdawtnak fapa ram i hruai thleng zo.
Maw thihnak khuiah so na nehnak cu?
Maw thlan nang khui-ah so na tur cu?
Ka Bawi Jesuh zarah nehnak ka co zo,
Bawipa cu thangṭhat in um sin koseh.
Leitlun mi’n an theih lo mi nunnak cu,
Ka nei zo thihnak a neh zo ruangah;
Van sui khawpi sungih hmin nganin ka um zo,
Amai ta ka si zo a kumkhua in.