Feh uh feh uh Khrih ih nunthar neitu pawl,
Sak le thlang leitlun hmun kipih thil nung hnenah;
Hih ram Thuthangṭha hi sim ṭheh ih a um hlan ahcun,
Banglo in ṭuan cio uh si, Bawipai' thu pek thlun in.
Feh uh feh uh feh thlang uh,
Sak le thlang leitlun hmun kipih thil nung hnenah;
Hih ram Thuthangṭha hi sim ṭheh ih,
A um hlan ah cun, thupi bikah;
Neih uh si, Thuthangṭha zaiter hi.
Thi mai dingih an hruai pawl ruundam záng uh,
Ngaihnik hi cu ka theilo ti men na si ahcun;
Thinlung zohtu hmai ah ziangkim in a lang ṭheh a si,
Mi kip an thil ti vekih pek lehsal ding an si.
Misual pawl cu an sual hmuah bansan ding le,
Bawi Jesuh ruundamnak thu na simlo ahcun;
An bawhsiatnak hmun ih an hlohral a si men ah cun,
An thisen man cu na hnenah phutsal a si ding.
Tui caan hi ruundamnak thu thlen ni a si,
Kannih hi daite ih thianglawr kan hngah ah cun;
Hremnak kan tong leh ding mi zakip in sim zang uhsi,
A lakih kan hmuhmi a lakih pe ding kan si.