Duhdawtnak ih in hawl suaktu,
Zangfahnak ih in ruundamtu;
Ngilneihnak ih in cawisangtu,
A maktuk e, ka sim thiamlo;
Hitlukih in lainattu hi,
An sim pialral ram hmanah an umlo.
A lu tlunih hling lukhum le,
An vuaknak vual le hliamhma-ah,
Tidam in kan um zo, Halelujah,
Lei le van ṭong in a daih lo,
Pathian duhdawtnak rung langmi;
Fapa Jesuh Khrih ah cotu kan si.
Mifim pawl mualphoter ding le,
Milian pawl ningzakter dingah;
Santlailo pawl in ko khawmtu;
A va mak em sim thiam a har;
Duhdawtnak tlunih duhdawtnak,
A zangfahnak cu kan nunnak a si.
Kan sualnak le palhnak bangin,
Kan tlunah in thungrul sianglo;
Mi ṭha bangin in kilkhawitu;
Nitin kan ṭul le kan sammi,
Uimi neilo in in pe ṭheu;
Bawipa a ṭha, a ṭha, sunglawi sinseh.