Cung lam Jerusalem thar khi,
Vanmi thianghlim khawpi a si;
Cunah Lal Immanuel-in ro a rel e,
Kan pan Zion ram cu ka ngai zual sinsin.
Khawvel lei hmun ai-in,
A nuam sawn vancung ram cu;
Nitin mi an thleng,
Thlatin an tam, kumtin an pung sin;
Zion tlang cungah,
Tuu nunnem Lalpa zaiin an awi.
Immuel na thisen cu,
Kan catuan hla ding cu a si;
Mi thianghlim ram ka thlen tikah zai ka sa ding,
Mi nun-thing ka Bawi nunnem par ka tlan ding.
Halelujah, ruuntu Lalpa,
Ram hmuahhmuah hi na ta a si;
Na thisenin na tlengfai zo na ta kan si,
Kan lo hngak buainak Jordan suumzing hnuaiah,
Na rung ṭum cing ding maw Lalpa,
Kan ram hrehumin a tuam vel;
Kanaan ram le na hmel kan ngai a bang na maw!
Zing thlain khaw thianghlim ah len ka nuam e.