Cung vanin Pathian in a run cuan hringfa zaleng,
Miṭha le mifel an um maw ti in;
An umlo mifel miṭha pakhat te hman an umlo,
Minung ka rak tuah ka sir aw a ti.
Kan tlinglo cuaithlainak ah kan tlinglo ee,
Kan ṭhatnak kan felnak bik kan tling cuanglo;
Pathian hmai ah rul cithlah Pathian doral,
Hremhmun meipi rawl kan si ee;
Sim le rel ding zianghman kan neilo.
Pathian in sual neilo a fapa Bawi Jesuh cu,
Misual ah a canter kan mai hrangah;
Kan sualnak le kan natnak a phur thinglamtah par ah,
An vuaknak vual ah cun damnak kan hmu.
Kan thi zo Kros parah cun kan cemral zo,
Adam ih kan sinak hmuah a cemral zo Kros parah;
A tuih kan nunthar cu thosal Bawi Jesuh Khrih a si,
A mahlo cun nun dang kan neilo.