Cungkhuanu ih rem ruat in,
Neih awk nak a rak um;
Kan u nau tla lung rual in,
Cui daan cu an run thlun.
Mal za sawm tu, Cung Pathian in,
Kil in hual him seh;
Lung awi ai puang lung rual in,
Kumkhua ih bawm aw ton in.
Lungduh hmunkhat tong aw in,
Pum khat ah an tuah aw;
Nom le harsat caan khal in,
Tang tlang ding an tiam aw.
Riahsiat nak hnem aw ton le,
Ai puang le hni tlang in;
A sersiam tu Pa thian in,
Kum khua hual him hram seh.