Cross ah a sung lawi thi a um,
Cross thianghlim cu ka hmu;
Thi sen cu Jesuh’n a luan ter,
Ka hrang a luang mi kha.
Maw thi sen sung lawi bik cu,
Jesuh’n a tuarnak cu;
Cross cung ah a thi sen a luang,
Ka rin nak in ka hmu.
Cross cu, aw cross a rit mi cu,
Jesuh’n ka hrang a pu;
Ninghaan, riah siat a tuarnak kha,
Kalvary ah a thum.
A zaang maw khi cross sunglawi cu,
Cross cu ka zoh tikah;
Kei in ka phur thei ve ding maw,
Sui lukhuh ngah ding ah.
Sui lukhuh a sunglawi bik cu,
Nehtu sui lukhuh cu;
Vanah Jesuh ka hmuh tikah,
Kei khal ka khum ve ding.
Ka mitthli a tla nawnlo ding,
Duhdawtnak khi ramah;
Leitlun harnak in i hruai aw,
Na ram in thlenter aw.