Camsiatmi leitlun ih ka len laiah hin,
Hnangam le lungawinak hawl ṭheu hman ningla;
A umlo buainak le beidawnnak men a si,
Kei ka lungawinak kim Bawipa nang lawng na si.
Bawipa nang lo hi cu duhmi dang ka neilo,
Ka pom ding umsun cu nang na si;
Nang thawi kan lentlang cun,
Ka tonmi thil hmuah hi;
Lungawinak ding lawng ka damlai ni hi.
I duhdawttu umsun Bawipa nang lawng hin,
Misual aiah na thi harsatnak kim na tuar;
Kei ka lennak dingah retheinak khal tuarin,
Ka hrang na nun na pe kei khal na ta ka si.
Hi leitlunah harsatnak thlisia hrang hmanseh,
Buainak ding a umlo nang thawi kan umah cun;
Sunlawinak vanram khal ka ngai hleice cuang lo,
Nang na umnak kip cu ka hrang vanram a si.