AN SIM THEU NA REM MI INN NUAM

An sim theu na remmi inn nuam,
Zion kan Pathian khawpi;
A thu kam pelh dah lo tu in,
A rem A mai’ um nak ah.
Kumkhaw lung pi ih thum aw cu,
Ziang in a ti hnin thei ding?
Run damnak hauhruang ih kulhin,
Na do raal na tih lo ding.

Zoh hman duhdawt zangfahnak in,
A nungmi ti thiang a luang;
Na fa te hmuah hmuah in a cawm,
Tlaksam dingkha an phang lo.
Khi bang ti thiang a luan lai ah,
Ti hal in zo a cau ding?
A pe tu Bawipa i zar ah,
Zangfah nak a dai lo ding.

Hi lei tlun khuaza ram kip ah,
Sunlawi nak himnak ding ah;
Mei le me ro suum tla a lang,
Bawipa a nai theihnak ah.
Cu ti’n mei le mero suum in,
Tleu nak nomnak kha an hmu;
Nun nakah Mana kha ring in,
Bawipa’n an nih kha a pek.

Bawipa, Zion khawpi sungah,
Zangfah ih i telter cun;
Leitlun mi’n in nautat hmanseh,
Na hmin lawng hi ka suang ding.
Leitlun lungawi nomnak a ziam,
A sunlawinak le mawinak;
Zion fate pawl lo hi cun,
Lawmnak tak an nei lo.