Bawipai' sunlawi zia le maksak zia hi,
Leimi aanka ih phuan cawk rual si lo;
Mifim fimnak in a ruatsuak ban dahlo ding a mak ee,
A ropitnak in lei le van a khat ee.
Sunlawi thangṭhat upatnak cu kumkhua na ta siseh,
Ka Pathian cu kan hrang a ṭha tuk ee;
Thilsiam tinkim in thangṭhatseh,
Sersiamtu Bawipa cu Halelujah.. Halelujah Amen.
A cahnak in leilungpi a din ih,
Tlangsang,hawrkuam,thing,mau,rua parmawi le;
Van ruah daifim thlithiang cirhti luang le tifinriat thawn,
A ṭhatnak in lei le van a khat ee.
Kan cung ninu thlapa van arsi khin,
A ropitzia a kut neh an langter;
Nunnak neimi le nunnak neilo ziangkim sersiamtu Bawi,
A thangṭhatnak in lei le van hngawrsuakseh.