Bawipai' duhdawtnak thuk zia,
Kauhzia le ropit zia hi,
Phuan cawk ding rual asi lo e dam sungah,
Na Thlarau hliam tuar le cau,
A lo tuamdamsak ṭheu hi,
Duhdawttu Lalpa fakin fehsinsin aw.
Ka nun hliam tuamdamtu le,
Ka caan hmuahhmuah ti pung tu,
Ropitnak le cawimawinak a ta a si,
A hrangah ka thiamnak le,
Ka thiltitheinak pawl hi,
Famkim ni a um theilo catuan thleng in.
Na dam sung caan tawite hi,
Suum ral leh mai vek a si,
Cu cu theilo in na nunnak na hmang maw?
A lo theihternak ngai aw,
Na nunnnak a ral hlanah,
Catuan hlohralnak ramah na feh pang ding.
Sunlawinak le mawinak pawl,
Hlawn famkimih thuam aw in,
Uar awknak le hngal zetih na um lai ah,
Na thihnak ding hmabak cu,
Na mawinakah a ṭhum aw,
Na suan a si le Bawipa ah suang sawn aw.