Bawipai' thucah lungawiza a thang,
Ka pai’ inn ah fehin;
Nan umnak ding hmun rem ṭhehin,
Nannih ka lo hruaisal ding ati.
Aw ka ngai e, aw ka va ngai em,
Bawipai' remmi van inn nuam cu;
Riahsiat ṭah leh buainak umlo in,
Lungawi hla kan sak ding a kumkhua-in.
Leitlun le a sungih thil um hi,
Seherh tlak ziang umlo;
Bawipai' remmi van inn nuam lawng,
Kumkhua a hmun dingmi ram a si.
In tlentui hmel a lang cing ding,
A mi thianghlim pawl thawn;
Vanah thla-in kan zuang ding i,
Leitlun tahnak ram hi ngai lo in.
Lei-ah rualduh unau hmuah thawn,
Ṭhen aw ṭheu hman ningla;
Mangṭha maw ti um nawnlo in,
Ṭhenlonak vanah kan leng leh ding.