Lung in len ka thlir ning theilo,
Lei harnak leng ram khi;
Damlai lungngai suum thim zing hi,
Ka tan ding ṭahnak ram.
Lei lungngai mitthli a hul ding,
Ka ṭahlai ni a ral ding;
Aw Bawipai’ hmel hmuh ka hngakhlap,
Aw, ral mai law lei nin-um.
Kalvari ka hreng sunglawi cu,
Vanram sangkhar a ong;
Va cuan ta law, aw ka thlarau,
Na ram hlun ding a lang
Ka ṭahlai zan thim a ral ding,
Jordan va ralah khin;
Aw, ka ngai, ka lenrual lungduh,
An lennak ramah khin.
Aw ziangtik maw ka thlen ve ding,
Ka cung khaw nuamah khin;
Thihnak va ral ka kai tikah,
Tahnak ka ngai lo ding.