LUNG IN LEN KA THLIR NING THEILO

Lung in len ka thlir ning theilo,
Lei harnak leng ram khi;
Damlai lungngai suum thim zing hi,
Ka tan ding ṭahnak ram.

Lei lungngai mitthli a hul ding,
Ka ṭahlai ni a ral ding;
Aw Bawipai’ hmel hmuh ka hngakhlap,
Aw, ral mai law lei nin-um.

Kalvari ka hreng sunglawi cu,
Vanram sangkhar a ong;
Va cuan ta law, aw ka thlarau,
Na ram hlun ding a lang

Ka ṭahlai zan thim a ral ding,
Jordan va ralah khin;
Aw, ka ngai, ka lenrual lungduh,
An lennak ramah khin.

Aw ziangtik maw ka thlen ve ding,
Ka cung khaw nuamah khin;
Thihnak va ral ka kai tikah,
Tahnak ka ngai lo ding.

LUKHUH KHUMTER UH

Mithiang mi hmuah in zoh cio uh.
Ninghan tuar Jesuh zoh uh;
A raal hmuahhmuah in a neh zo,
Mi phunkhat kip in thangṭhat uh.

Siangpahrang lukhuh khum ter uh
Bawi hmuah ah Bawibik a si!
Siangpahrang lukhuh khumter uh!
Bawi hmuah ah Bawibik a si!

Sui lukhuh Bawipa khumter uh!
Zangfahnak a Jesuh;
Siangpahrang to nakah um seh,
Vancung ah a hmin thang seh!

ling lukhuh khum ter misual mi'n,
Bawi Jesuh khi thangsiat in;
Mithiang mi le vancung mi in,
Amai’ hmin cu an thangṭhat.

Amah sunloih in au cio uh!
Raal nehnak puai an tuah zo,
Sunlawinak hmuah in a co zo,
Zoh uh, Bawi Jesuh a si!

LO ṬUAN LE CI CIN

Lo kan tuan ih ci kan cing,
Thlai ci tha lo sung ah,
Si hman seh la Pathian in,
Ti le rawl in a cawm;
Thlatang ah vur tlak ter in,
Khua hlum in a run bawm,
Zilthli nem le ni sa ah,
To ruah in a nun ding.

Laksawng tha pek mi hi,
Pathian pek mi asi;
Pathian duhnak thu kha thei uh,
Amah lawm uh.

A hlat le a nai thil cu,
Amai’ tuah mi tla an si;
Pangpar le arsi tla cu,
Amai thawng in an si;
Thli le ti’n a thu an ngai,
Vanva hman a cawm lai;
A fa le hi cu hnak in,
Rawl a cawm nitin in.

Thiltha na tuah mi vangah,
Pathian nang kan lo lawm,
Cin caan le hleh caan hman ah,
Nun nak, damnak le rawl;
In duh rulh nak ding ah hin,
Pek ding tlak nei lo in,
Si hman seh na duh bik mi,
Kan thin nem nak asi.

Laksawng tha pek mi hi,
Pathian pek mi asi;
Pathian duhnak thu kha thei uh,
Amah lawm uh.

LO SUNGAH HNA ṬUAN DING

Lo sungah hna ṭuan ding tampi an um,
Fangthar a cu zo, hleptu ding an mal;
Bawipai' aw thei in ṭuan zuam ding an um,
A thutiam bangin ṭuan an zaal.

Hnaṭuan uh hna ṭuan uh,
Lungawinak khi ruahsan in;
Bawipa in hnangamnak kha in pek leh ding,
Ni tlak hlan tiangin ṭuan ko uh.

Fang khumnak cuam sung hmuah in khat ter uh,
Lungawi le nun nuam phah in hlasak uh;
Ni tlak ih khua a thim hlan lo tiangin,
Thinlung tak in hna ṭuan cio uh.

Hna ṭuan a har i ni sau hmanseh la,
A ṭuantu hmuah in laksawng an co ding;
Bawipa in a hril mi vial bawm dingah,
Lungawinak ṭha bik a pek ding.

Vancung khua sungah nunnuamnak a um,
Harsa i ṭuantu hmuah in an co ding;
Bawipa’n a sim bangin dawtnak a um,
An hnaṭuan harnak a cem ding.

LEITLUN TLEU NAK

Hi leitlun cu sual thim sungah a hlo zo,
Leitlun tleunak Jesuh a si!
Sun ni tlaang bang a sunlawi nak a tlaang zo;
Leitlun tleunak Jesuh a si!

        Nan hrang a tleu tu hnenah feh uh, Kan hrang ah
        Jesuh tleu nak a lang; Mitcaw mi in khua
        an hmu zo i, Leitlun tleunak Jesuh a si!

Jesuh rinsan tu hrangah thimnak um lo,
Leitlun tleunak Jesuh a si!
Lam hmuhtu thlun mi in Tleu nak an hmu zo;
Leitlun tleunak Jesuh a si!

Sual thim sung ih a vaakvai mi tla nan si,
Leitlun tleunak Jesuh a si!
Nan sualnak kholh uh, tleu nak ṭha nan hmu ding;
Leitlun tleunak Jesuh a si!

Vancung khua ah ni tlaannak kha a ṭul lo,
Leitlun tleunak Jesuh a si;
Khi suikhua ah Jesuh cu tleunak a si,
Leitlun tleunak Jesuh a si!

LEITLUN THIAMLO CO

Leitlun thiamlo coter dingah,
Pathian in a fa a thlah lo,
Leitlun mi an dam theinak dingah,
Bawipa Jesuh cu thlah in a um.

Bawi Jesu’n a tuarnak hmuah cu,
Amai hrangah a taur asilo;
Nang le kei hrang a tuar a si sawn,
Na hrang a tling tawk san deng tiangin.

Hi thutak thei fiang zo si ih,
Ziang ruangah na felnak na bih;
Fel tum in na cahnak na bih cun,
Bawipa Jesuh na hnawlnak a si.

Thutak thei ih a hoi kir mi,
Mai theihnak lamzin a thlun mi tla,
Lungawinak tak nei cuang si lo in,
An theihcia thutak do in an um.

Zisu’n nang a lo ruundam zo,
Felnak in hawl suah theih asilo,
Thei tam in hlawh suah a si fawn lo,
A umcia thil theih fiangnak a si.

LEITLUN SUALNAK

Leitlun sualnak hmuah thiantertu,
A thii luang mi cu sunglawiseh;
Pathian fapa cu sunglawiseh,
Amai tuarnak in dam tertu;
Tuudum lengah vakvaai hman ning,
Zonzaih retheih ka tuarnak ding;
Tuufa thiisen in i kholh aw,
Vurpar hnak in kan vaar sawn ding.

Vurpar var hnakin i thianter ahcun,
Tuufa thii in i kholh ah cun;
Vur par hnakin ka var sawn ding.

Pathian fa hling lukhuh khumter,
Amai thinglamtah an phurh ter;
Ninghan riahsiatnak khi tuar in,
Alak men ih tuar asilo;
Ka sualnak hmuah thianter dingin,
Cerhti ah khin i feh pi aw;
Na thi thletmi in i kholh aw,
Vurpar hnakin ka var sawn ding.

Lam ṭhelh in ka vaakvai ka Pa,
Ka thinlung zuangzam in a na;
Ka sualnak cu thiisen bangin,
Tidai in a tlengfai theilo;
Bawi Jesuh na cerhti ah khin ,
Nangmai thukham ka rinsan ko;
Vur par bangin ka varnak ding,
Na thawmliannak in i kholh ding.

LEITLUN SUALIH HLO HNU

Leitlun sualih hlo hnu tlen suakleh dingin,
Pathian in a fapa mal neih sun a pek;
A tlen cia sualih hlo hnu, nunnak lam an hmuhnak ding;
Thil pek ih hna ṭuan dingin Bawipa’n in ko.

Pe cio uh ti cun pek in nan um ding,
Pek ah Pathian nan neh ban theilo ding;
Pathian in minung lei a ba dah lo,
Mal sawmnak hram pi a rak si.

Zumtu pawl tla thu pek khoh zet mi kan hmu,
Feh uh la Thuthangṭha sim cio uh a ti;
Fehsuak theilo pawl khalin mawhphurhnak tumpi kan nei
Thil pekih hnaṭuan dingin, Bawipa’n in ko.

Zumtu pawl tla khui-ah ro nan khawl khawm ding?
Thlarau hlo hawl ih khawl mi cu nan hmu ding;
Zumnak ih na pek ding cu Bawipa'n a lo hngak a si,
Ziang zatin so in zum ngam ve ding a ti.

Ka thei fiang zo Bawipai' in sawmnak thu hi,
Kristian hmuah in missionary dingah in ko;
Ka lo pek ka neihhmuah le ka taksa ka nunnak thawn,

LEITLUN RAM HMUAH

Leitlun ram hmuah hi ka hei cuan ih,
Zirh ternak diklo thli pi a leng;
Miphun za tinkim a fang suak zo ee,
Thlarausal tampi an liamsin ee.

Aw khui ah maw, aw khui ah maw?
Bawipai' hmuan ih hnaṭuantu ding pawl;
Fang an thar zo ih, an hmin ṭheh zo ee,
Khui ah so maw nan um hi.

Zo so ka thlah ding tu caan ahhin,
Ka tlen cia tuu hlo pawl hruai dingin;
Hruai tu an umlo, fehnak theilo in,
Nitin thawng tampi an liamsin ee.

Thlarau hloral ding ka hun thlir ih,
Kumkhua nunnak lamtluan feh duh pawl,
Kumkhua ih hloral ding mi an tam ee,
Hruai suak dingin kei ka fehsin ding.

Bawipa i hmang aw ka fehsin ding,
Harsatnak in i kulh veel hmanseh,
Thlarau Thianghlim in in run hruai sin aw,
Na hrang ka ṭuan sin ding ka Bawi Jesuh.

LEITLUN NUN HMANG THIAM

Leitlun nun hmang thiam si dingin,
Leitlun ah hnangamnak cu hawlin;
Kalavri tlang lam ka cuan ih,
Ruuntu Jesuh-in ka lei zo in ti.

Sun le zanin sualnak thli-in i nuai hmanseh,
Ka thlarau neitu Jesuh a si;
Ramhuai sual le thihnak thlisia cu hrang hmanseh,
Phentu lungpi Jesuh ka nei zo.

Nundan rel thiamlo si hman ning,
Jesuh-in ka nunnak a luah zo;
Atu cu kei ka si nawnlo,
Ka lennak khal hi lei si lo, vanah.

Leitlun tahnakah tling lo in,
Sualih ruah khal va si hman ningla;
Pathian-ih fa Jesuh ruangah,
Tling ka si, cucu ka hrangah a tawk.

LEITLUN MISUAL RUANGAH

Leitlun misual ruangah maw sual neilo van Bawi fahniang,
Kalvari tlangah thihnak tiang a tuar;
Bawi Khrih thisen sunglawi cu nang le kei luatnak a si,
Kros parah misual ruundam hna a ṭheh zo.

Bawi Khrih ruangah nang le kei hi mi luat kan si,
A kut a ke, a hnak, a lu-ah hling lukhum thawn;
Nang le kei luatnak ding BawiKhrih tuarnak afamkim zo,
Ka fa mi luat na si keima’n ka theh Jesu’n a ti.

Nang le kei in duh ruangah van sunlawinak tan tain,
Nauta bik caw-rawl peknak kuang sungah;
Vanmi’n hinah tlen cia mi na nei na hrang a tawk lo maw,
Nang le kei sual tlen dingah Bawi Khrih a ṭum.

Unau Kros parih aw cun setansal sungih tang hnu,
Suahnak dingah Jubilee dar an tum;
Suak uh, suak uh Bawipa in suahnak sangka a ong zo,
Na hrang sangka an ong lai na tlai pang ding.

LEITLUN MI'N BAWI KHRIH AN MAMAWH

Leitlun mi'n Bawi Khrih an mamawh zia,
Theilo in maw siar seen lo mi tla;
An leeng e sual thim zing hnuai ahhin,
Ruuntu Bawipa Jesuh an theilo.

Leitlun min Bawi Khrih an mamawh ee,
Fang suak leh aw hih leitlun hi;
Leitlun sual tlentu na si zia,
Bawi Khrih nang man theih ter leh aw.

Leitlun min Bawi Khrih an mawh zia,
Sualnak phun kim in a khat thlangih;
Nomsak hawlnak le duhhamnak in,
A luah khat thlang maw hi leitlun hi.

Leitlun min Bawi Khrih an mamawh zia,
Ram hmuahhmuah hi run tleu ter dingah;
Leitlun min Bawi Khrih an mamawh ee,
Mi hmuahhmuah ruun him si thei dingah.

Kannih Kristian ti aw pawl lak ah,
Lam diklo thlun tu kan tam thlang si;
Leitlun parmawinak kan duh sawn si,
Leitlun tleu ter ding a va har em.

LEITLUN MAWINAK

Leitlun mawinak phunkip hi, leitlun mi hrangah,
Duhnungza in lang hmanseh, kan thlarau hrangah;
Kumkhaw thihnak hremhmun ih inthlentu ah an cang,
Kannih hrangah cun thilṭha an umlo.

Ruuntu Jesuh lawng kannih hrangah cun,
Kumkhaw nomnak ramnuam inthlentu a si;
Unau ra kir-aw leitlun nomnak sungin,
Ro ṭha lungawinak famkim na co ding.

Falat tlangval nomnak le zu le sa khalah,
Lungawinak hmuh tum hmanla, na hmu cuanglo ding;
Ruuntu Jesu’i hnen lawngah kan lungthlitum hmuahin,
A kim ṭheh rualṭha tu-ah ra pan aw.

Kan umnak leilungpi hi, nikhat khatah cun,
A cem a hloral leh ding, unau ruatsal-aw;
Caan sunglawi na neih laiah, Jesuh Khrih rak pan aw,
Caanṭha a cem cun na sir-aw leh ding.

LEITLUN MAWI NAK HRANGAH

Leitlun mawi nak sunglawi hi,
Pathian langnak tha asi;
Vancung khuaruah har nak khi,
Nangmai’ tuah mi lawng an si.

Bawi hmuah ah Bawibik na si,
Zai hla in kan thangthat pi.

Thlua le tlang thing kung pangpar,
Ni le thlapa arsi tla,
A caan kip mawinak an si,
Suun le zaan khal ah an hmun.

Khat le khat duhdawt nak tha,
Unau ta far, pa le fa,
Lei van ih kan rual tla,
Thinnem tangdor nak thutha.

Kumkhua in nangmai’ hnen ah,
Duhnak kha khuazakip ah,
Thlacam tu Kristian hmuah in,
An than ter mi zate in.

LEITLUN HNA-HNAWHNAK

Leitlun retheih le ka sual phurrit thawn,
Vancung ka thlir i luh ka duh ngai-ngai;
Vancung ah sualnak a um nawn lo ding,
“Ra aw” ti in kawh nak aw ka thei ding!

Kei bang misual khi ram ka thleng ding maw?
A thiang le thangṭhat nak in a khat fawn;
A vaar tohkham hmai ka ding ngam ding maw?
Sihmanseh a kut nem te in i hruai.

Vancung khua feh nak lamzin kha ka thlun,
Nitin in sual le buai nak in i zeel;
"Sihmanseh sualnak cu na phum ah cun,
Zaangfah nak aw in rung luut" ti ka thei.

Ka theih mi aw cu Jesuh aw a si,
A kutin keimah pom a duh ngaingai;
A thii thlet mi cu kan luatnak a si,
A tohkham hmaiah thiamnak i coter.

A ding mi Bawipa kei i run sawn aw,
Na laksawng sunglawi keimai’ ta a si.
Hling lukhuh na khum kei in sui lukhuh;
Na thihnak cu kei hrang nunnak a si.

Bawipa, ka nunnak hmuah in na hnenah,
Atu ka thinlung sung a zuur ngai ngai,
Ka pumpuluk le neih hmuah na hnenah,
In hngilh siang hlah, nangmah ka duh ngaingai.

LEITLUN HARNAK TAANIN

Leitlun harnak taanin, khi ram nuam lam panin,
Vancung mi thiang umnak hmunah kei ka feh ding;
Riahsiat `ahnak umlo, umhar lunglen umlo,
Leitlun harnak tanin kei ka feh veding.

Leitlun harnak taanin van sangah ka kai ding,
Vancung sangka ihsin rualduh pawlin in hngak;
Vancung ram nuam thlen cun `hennak um nawnlo ding,
Leitlun harnak tanin kei ka feh ve ding.

Leitlun harnak taanin khi ram nuam lam panin,
Ka nu, ka pa, ka rualduh pawl anlennak ram;
Kumkhua thang`hatnak hla an sak khi ram nuamah,
Leitlun harnak tanin kei ka feh ve ding.

Leitlun harnak taanin khi ram nuam lam panin,
Ni khat khatah khi ram nuamah kei ka feh ding;
Vancung ram nuam thlen cun `hennak um nawnlo ding,
Leitlun harnak taanin kei ka feh ve ding.

LEITLUN BUAINAK

Leitlun buainak le harnak in,
Nitin ka sungah hna a ṭuan;
Sihmanseh ka fa ṭih hlah aw,
Leitlun hi ka neh zo a ti.

Bawi Khrihlo cun leitlun ah hin,
Hmai hngalnak ding zianghman ka neilo;
In duhtu Bawi a si ruangah,
Lei mi’n mi-aa in ti hmanah ziang ka poi lo;
Ka phuang sin ding na dawtnak thu.

Leiah retheihnak tong hmanning,
Ka lungawi ding Bawipai' ruangah;
Kan cungsin van khawpi sungah,
Ka hngilhsan ding hi leiram hi.

Lei mi-in in sawisel hmanseh,
Leimi pawl-in in do hmanseh;
In neh theilo ding ka ṭihlo,
Bawipa ka lam-ah a ṭan cun.

Leimi in an theithiamlo ee,
Bawipai' dawtnak a thukzia hi,
Theifiangsehla an do lo ding,
Ka pa an sualnak ngaithiam aw.

LEITLUN AH RETHEIH ZONZAIH

Leitlun ah retheih zonzaih na tuar tikah,
Malmaknak in ka vansang na ti lai ah;
Na hmuifu siar aw pakhat hnu pakhat in,
Bawipa pekmi in a lo mangbang ter ding.

(Hmuifu pakhat hnu pakhat siar aw)3
Bawipai' pekmi in a lo mangbang ter ding.

Sual bawm rit thawn donharin na um ṭheu maw,
Thinglamtah phur ding na hrang a rit tuk maw;
Hmuifu siar aw donharnak a hlo ṭheh ding,
Nitin te’n lungawi in hla na sak thei ding.

Midang thil ramṭha le sui na dawt tikah,
Jesuh Khrih hlawnthilṭha kha va ring sawn aw;
Leitlun thil hnak in khung sawn hmuifusiar aw,
Na co ding laksawng a tamsawn vancung ah.

Lei doral lian in harsatnak um hmanseh,
Thinnau hlah uh in uktu Pathian zum uh;
Vancung mi hmai ah nan hmuifu kha siar uh,

LEI MALSAWMNAK

Lei malsawmnak hi cu tawpcin a nei,
Lungdaihnak le nomnak an tling tawk lo;
Neih duh sinsin diriam thei cuang si lo,
Zumtui buaipi tlak ding ziang an umlo.

Khrih Jesuh lawng ka hna ngamnak a si,
Amah thawi um tlang lawng hi a nuam bik;
Neih tawkte ih lungawi in thiamtertu,
In ti caktu le nun in thiam tertu.

Ka thlir caanah lei mawinakin i zel,
Neih tawkte ih lungawi daan thiamlo in;
Ruatin ka buai ziam mai ding lei thil ah,
Beidong le thinpihnak men lawng an si.

Maw ka nunnak Bawipa lawng thangṭhat aw,
I ruuntu le i kilvengtu a si;
Lei mawinak le sunlawihnak hmuah hnak cun,

LEI LE VAN THIL HMUAHHMUAH

Lei le van thil hmuahhmuah hnak in,
Ka Bawipai' Kros ka suang ding;
Cu tawkah cun ka Bawipa cu,
Ka ai ih a thih ruangah.

Ruundamtu hnenah ka pe aw,
A nunnak in pek ruang ah;
Duhdawtnak in ka cawimawi ding,
Kumkhua ram ka thlen tiangin.

Ka mithmuh le ka theihmi tla’n,
Sual lam ah in hruai hmanseh;
Thlarau Thiaghlim in in hruai ding,
Nehnak cu ka co ve ding.

Ka hrang leitlun khenbet asi,
Leitlun hrang in khenbet zo;
Ka Bawipai' Kros pom vivo in,
Lei ram hi ka suahsan ding.

Ruundamtu i hruai vivo aw,
Ka nun sung lamtluan ahhin;
Na tlencia pawl na hruai tikah,
Keimah khal i hruai ve aw.

LEI LE VAN SERSIAM PATHIAN

Lei le van sersiam Pathian,
Ni le thla sersiam Pathian;
Ka nunnak thaw i petu ka Pathian,
Ni tlangin ruah a surter, fur caanah rawl i khumter;
Ka thangṭhat thawmlian sunglawi ka Bawipa.

Maw Bawipa, ka lung a awi,
Nitinin lung i awiter;
Ka nun sung hmuah na hmin ka thangthat ding
Tum ring thawn ka lo thangthat,
Lamnak thawn ka lo thangthat,
Halelujah na hmin ṭha sunglawiseh.

Caan sunglawi khua in khansak,
Nitin lungawi caan in pe;
Bawipai' hnenah lungawi thu ka sim ding,
Lungawi raithawinak pe-in;
Ka Bawipa ka cawisang ding,
Ka cahnak hmuahhmuah thawn ka thangṭhat ding.

Vei khatkhat ei ding neilo,
Vei khatkhat sin ding neilo;
Sihmanseh Bawipai' ṭhatnak ka ruat ih,
Vanih a zuang vate le;
Hramlak Lili par te-in,
Ka nunnak nitinin tha i tlungter.

LEI LAL PUAN ROPI

Lei lal puan ropi an cemral ding,
Lei pangparmawi hmuahin an cuai thei;
Kan damlai ni caan khal hi a cemral leh ding
Hmanseh Lal duhnung Jesuh ka nei.

Lili parmawi Bawi Jesuh ka nei,
Ka hrang a par catuan ram mawiah;
Harnak hmanah Ama’n in umpi hlan ding,
Lili parmawi Bawi Jesuh ka nei

A duhdawtnak ram eng mawiah khin,
Amah cu kumkhaw Deirel Arsi;
Harnak tuar hman ningla kan umnak leiah hin,
A ramah cun in hruaikhawm leh ding.

Tunah ṭapin ruum hrih hman ningla,
Thihnak in ka mit a sin tikah;
Ka phanglo ding thlan thim sungih ta in tho ding,
Ka mithli hmuah cu hrufai dingin.

Kan ṭhianrualduhin khawvelah hin,
In feh san in riahsia hman ningla;
Hmanseh ka lungngai lo mah lawng ka um tikah,

LEI CAMSIAT TUAR KAN LENNAK

Lei camsiat tuar kan lennak ramah hin,
Natnak, thihnak le paamnak a tam si;
Tihal le rilrawngin kan aihram e,
Elijah-ih Pathian kan ramah ausal aw.

Sangvut a cem theilo, siti a cem theilo,
Siang zetih Bawipai' hnen petui’ hrangah;
Thlawsuah conak a si malsawm donnak a si,
Elijah-ih Pathian kan ramah ausal aw.

Sum le pai ngainatu Balaam bang,
Sualnak lampi zawhin kan feh liam si;
Sadom khua-ih Lot na runsuah bangin,
Elijah-ih Pathian kan ramah ausal leh aw.

Tilet suar le thlisia lak khalah,
Bawipa a `hang thiamtu cu an him ding;
Damnak duhih a puan pawktu khalin,
Damnak ngah in lungawiin an tlungsal a si.

LEI AH A RUNG SEM

Leiah a rung sem van Siangpahrang cu,
Singilin an cawimawi an hla mawi sung bikin;
Cungnung bikin sunglawi koseh,
Lei mi hrangah remnak lengseh an ti.

Aw, van Singil pawl zai thawmthang cu,
Bethlehem dai a hngawr vel e;
An lawm hla ri thangkhawk velin,
Lal Immanuel, Lal cungnung bik sinseh an ti.

Remnak Lal thianghlim bik cu a rung piang,
Siangpahrang David thlah Arsi eng mawi bikin;
Kumkhua in a uk camcin ding,
A hmin sunglawi kumkhua’n an thangṭhat.

Vancung Singil in zaihla in remseh,
Bethlehem dai hmun khawharih ka um laiah;
An thangṭhatnak zai thawm mawi cu,
Kan thinlungah kumkhuain cam hlan seh.

LAMTLUANIN JESUH KA THLUN

Lamtluanin Jesuh ka thlun sin ding,
In duhdawtbik tu asi ih,
In ruundamtu ih ka neih ih ruangah,
Lamtluan in Jesuh ka thlunsin ding.

Lamtluan in Jesuh kan thlun sin ding,
Vanramah inhruai thleng ding ti ka thei,
Sunlawinak thawn a ratsal leh tikah,
Kumkhua in a hnenah ka cawl ding.

Lamtluanin Jesuh ka thlun sin ding,
Harsatnak thlipi hrang hmanseh,
Acahnak thahri ka kai kumkhua ding,
Ka sualnak fehsan in ka thlun ding.

Lamtluanin Jesuh ka thlun sin ding,
Thlarau Thianghlim in i hruai ih,
In ti thianghlim in ka nun cau hruaiin,
Vanramah ti sunlawi ka si ding.

LAMTLUAN AH RUUNTU'N I HRUAI

Lamtluan ah Bawipa'n i hruai i, Sam mi dang ka nei hrih maw?
In zangfah nak donhar lo in, Ka nunsung hruaitu a si;
Vancung daih nak le thlangamnak, Amah zumnak sungah um;
Zonzaih retheihnak thleng hmanseh, Jesu'n a rem zeizongza;
Zonzaih retheihnak thleng hmanseh, Jesu'n a rem zeizongza.

Lamtluan ah Bawipa'n i hruai i, Lamhar hman seh i nuamter;
Hniksaknak tuar thei nak ding in, Nunnak sang in i cawm fawn;
Lamhar in ka tha baang hmanseh, Ka thlarau tihaal hmanseh;
Ka hmai i Lunglianpi sung in, Lungawinak cerhti ka hmu,
Ka hmai i Lunglianpi sung in, Lungawinak cerhti ka hmu.

Lamtluan ah Bawipa'n i hruai i, In duhnak a khungsin i;
Vancung ka Pai’ inn thleng dingin, Thu in kam um ve ding in;
Ka thlarau van nunnak sungah, Vancung i a zuan tik ah;
Kumkhua in hi hla ka sak ding, Lamtluan ah Jesu'n i hruai;
Kumkhua in hi hla ka sak ding, Lamtluan ah Jesu'n i hruai.

LAL PIAN CAM PANGPAR

Lal piancam pangpar a ee ciciai,
Merem zo hnu lunglen a thosal maw;
Vanhnuai mi kip Bethlehem tlang cungah,
Rinnak thlain mi an zuangkai.

Aw, ka Lal nunnem, nangin i hruai hlan law,
Sunghno mang lian ṭangah hrin thar hniangte,
Na ṭahnak hmuntual ka ngai.

Ngai a na e, Bethlehem tlang cu,
Tlai ni tlain tlang kam a khum sirsiar;
Caw inn tlawmah ka Bawi hrin thar hniangte,
Sunghno Mariin a cawi e.

Bethlehem arsi a rung engsal,
Eden pialrem sangkhar a run sun eng;
Thangin tho uh, Eden khua a var zo,
Kan tum ram cu va pan uhsi.

A va mawi em, mang mi ramthing cu,
Kan hrang Bethlehem tlangah a rung par;
Hihlan pi le puin an hmuh ban lo,
Saron par tlanin kan leng e.

LAL PIAN CAM LUNGAWINAK

Lal piancam lungawinak kan thleng leh zo,
Lungawi aipuangin zairem uhsi;
Thihnak thim hnuaiih um mi hrang,
Tleunak sunglawi a thleng zo:
Halelujah ti’n zairem uhsi.

A hmin mangbangza remnak Bawipa,
Catuan Pa, Rem Lal sunglawi a si;
A uknak cem ni a neilo ding,
A kau sinsin ding sandeng tiangin.

Tunah hin Bethlehem khaw lamah cun,
Rinnak in zuangin va leng ningla;
Sunghno Mari cawi lei le van,
Bawi hrinhniang cu kan hmu ding:
Kan neih rothil hmuah in pe uh si.

Rinnakin ka hun thlir ka cung vankhua,
Remnak Lal fapa rung pian ni cu;
Thennak zai an rem,
An aw mawi thangkhawkin hi leitlun le;
Ka cung van dum tiang khi a hngawr vel.

In tlentu Siangpahrang thar rung piang cu,
A hmin Bawi Jesuh Immanuel;
Hosana cungnung bikah khin,
Sunglawi za in um koseh,
Remnak thu lengseh khawvelah hin.

LAKSAWNG PE DING

Laksawng pe ding Jesuh a ṭum tikah,
Sun le zan a si hmanah;
Zumnak in Amah hngak in tong ding maw,
Kan mei inn a vang cia maw.

Maw, u le nau, tim cia in kan um maw,
Kan thlarau nomnak dingin;
Kan hngah lai ah Ama’n in tong ding maw,
Hngak uh Jesuh thlen tiangin hngak uh.

Pakhat hnu pakhat Jesu’n kawh ah cun,
Zingpit khua a van tikah;
In pekmi saw kan peksal tik caan ah,
Miṭha ti’n in ko ding maw.

Amai thutiam bangin kan um cio maw,
Kan dam sung nun hmuahhmuah in;
Mawhsiatnak sung in kan luat thei ding maw,
Thlangamnak khi kan co ding.

A hngaktu in thlawsuahnak an co ding,
A sunlawinak zar to in;
Siim le zan ah a thleng ding caan kim in,
Kan hngah lai in tong ding maw.

LAI MI PHUN HLA

Hmunko seh law san dengtiangin,
Thu nung lennak kan pupa ram,
A siam thiam cee Cungzingnu in,
Lungsir lo ten a hum cam cin.

Zilthli thiang lennak Lairam ah,
Zalennak nan lungtum siseh.
Tuanrel uh si lungthin khatten,
Kan covo u nau seu khawm in.

Cungsin mangbawi thlawsuah tinkim,
Hoilen uh law kan van kau seh,
Siamrem sin uh leiram cem hlan,
Kutza zawngza tairial uh si.

Kanram kan hnam le kan nunphung,
Kan aan kan ca sunsak sin in,
Miphun dang hnen leng thei tiang in,
Thiam hlei sangah kai sin uh si.

KUT LAWNGIN KA KAI DING MAW?

Ka kut lawng in ka kai ding maw?
Ruun tu Bawipa tong ding ah;
Nikhat hman a hnaṭuan lawn maw?
Peek ding hman nei si lo ah.

        Ka kut lawng in ka kai ding maw?
        Bawipa ka tong ngam ding maw?
        Hawi sawm mi hman um lo in maw,
        Hi bang in kai ngam ding maw?

Ka thih ding cu ka thinphang lo,
Ruun tu Bawipa'n i ruun zo,
Kut lawng ka kai ding lung nuam lo,
Riahsia lo in ka um lo.

A liam cia mi ka sual nithla,
Kawh leh thei si ve seh la;
Ruuntu hrangah tam ṭuan dingin,
Ka thlun ding a kum khua in.

Maw lungthiang mi it hlah tho uh,
Caan um lai ah ṭuan cio uh;
Thihnak caan a thlen hlan tiangin,

KUMTHAR DANG A SUAK ZO

Kumthar, san thar a suak zo, Pathian duh nak bang in,
Amah hngahnak hnatuan in, Kumthar dang a um hrih.
Thansoh nak kum a um hrih, Thangthat kum a si fawn,
Kan hnen um camcin ding in, Kumthar dang um ter fawn.

Zaangfahnak in a khat mi, Kumthar dang a suak zo,
Lungawi nak kum a thar in, Bawipa hmai hmuhnak ding,
In duhdawtnak taang sung ah, Amah ka hngauhsan ding,
Thlangam lungdaih nak hmun ah, Zum fek nak kum suak zo.

Nang dawtnak thu sim ding in, Kumthar dang a suak zo,
Thiannak hnatuan zir ding in, Kumthar dang a suak fawn,
Kumthar san thar a suak zo, Pathian duh nak bangin,
Lei ih sin vancung tiang in, Na hrang kumthar a um.

KUMKHUA NANGMAH KAN DUH

Nangmah kan duh camcin,
Sunglawi Bawipa;
Nangmai’ aw ka siar lo,
Daih nak um lo.

Maw Bawipa, nangmah kan duh,
Kumkhua in nang kan duh,
Atu thlawsuah in pe aw,
Na hnen kan ra.

Nangmah kan duh camcin,
Kan Bawi Jesuh;
Na kiang kan um ah cun.
Sualforh um lo.

Nangmah kan duh camcin,
Lungawi hman ah;
Nangmah um lo tik ah,
Nun man nei lo.

Nangmah kan duh camcin,
In duhnak thu,
Nitin in zirter aw,
Ṭhatsin kan duh.

Nangmah kan duh camcin,
Zamrang in tum;
Zonzai retheih tuarin,
Kan kiangah um

KUMKHUA MEIPI

Kumkhua meipi rilrawng thlarau khop lo,
Jesuh duhlo pawlhrang thuahmi cu;
Hremhmun mei pi kumkhua khal ih dai lo mi,
Hloral fa pawl an co ding kumkhua hremhmun.

Sim sim khal ih lung duh lo,
Rel rel khal ih sawt cuang lo;
Ziang ti ih um saw maw na tum ih?
Tah le hrumnak ha rialnak na thlen hlan ah,
Bawi Jesuh cu pan zang aw na hloral ding.

Khrihfa kan si ti in hnangam mai hlah,
Bawipa Jesuh na neihlovah cun;
Bawipa Jesuh lung a awi cuang lo ding,
Na co ding cu riahsiatnak kumkhua hremhmun.

Kumkhua hremhmun rapthlak pum pelh dingin,
Ruundamtu Bawi Jesuh na nei si lo;
Na damlai ah Bawi Jesuh na neihlo cun,
Na co ding cu meipi lawng kumkhua meipi.

Kumkhua hremhmun meipi cu vun thlir hnik,
Na umnak ding asi na riahsia maw?
Ziang na ti saw sim sim khalih lung duh lo,
Na co ding cu hloralnak kumkhua hremhmun.

KUMKHUA IN KAN IT LAN LO DING

Kumkhua in kan it lan lo ding, Lungawinak khua a vaang ding,
Thawhsal ni ah kan tong aw ding, Ṭhennak a um nawn lo ding,
A thuuk bik tilian sung tiang in, Vunnel rawn ramcar lak in,
Fing le tlaang hawrkuam hmunkip in, Mi zapi an tho sal ding.

Kumkhua in kan it lan lo ding, Lungawinak khua a vaang ding;
Thawh sal ni ah kan tong aw ding, Ṭhennak a um nawn lo ding.

Pangpar bang in a mawi ngai mi, Kan lungawi nak thil te khi,
Anmah thawn kan ṭhen sal tik ah, Ninghannak ngaingai a si;
Nitlan nak a liam hlan tiang in, Thlan a kimveel kha heel in,
Kan pangpar mawi a vuai hrangah, Kan ruahsan nak a ziam zo.

Kumkhua in kan it lan lo ding, Thawhsalnak ni a thleng ding,
Nunnak in petu kan Bawipa, A hmin thangṭhat si ko seh;
In hruainak khi vanram nuam ah, Kumkhua tleunak khuapi ah,
Thihnak hmual a um nawn lo ding, Ṭah nak a um ve lo ding.

KUMKHUA A TLEU MI

Ni bang a tleu mi ram a um,
Pathian umnak hmun ah,
Ni a tlak lo nak ram ah khin,
Jesuh tleunak a um.

Thinglamtah kan phurh ah cun,
Sui lukhuh kan khum ding,
Vancung ram kan thlen tik ah,
A kumkhua in kan tleu ding.

Khi ram sungah daihnak a um,
Thihnak tiva ral ah,
Tihnung za um lo nak ram ah,
Kan co ding ro a um.

A sunglawi mi inn tha a um,
Vancung khua sungah khin,
Induh ngaingai tu mi hmuah in,
Kan mah hmuak ding an um.

Leitlun tihnungza phaang hlah uh,
Zamrang in taan kan duh,
Lungawinak reh ti um lo ding,
Vanmi thawn kan um ding.

KUMBI CAAN AN LIAM

Kumbi caan an liam lan lei lungawi a ral sin,
Khawvelah lawmnak a kim thei si lo;
Bawipa nang rung lengin ni sunglawi run thlenter,
Rethei fate’n an lei hrehum suahsan an duh.

Aw Eden thar nuamah cun i hruai ve aw,
Lungngai takih ṭhen cia mi kha lengza nungla;
Lungawi a kimza ding, kan thangṭhat sin ding,
Khawvel hi kan ngai nawnlo ding na ramah cun.

Na hrangih tuartu in cui ram cu an beisei,
Lei lawmnak an hrang a par ve si lo;
Zion misenpi le duhnung ka Bawi hmel cu,
Cerlian ni sunglawi suak ding cu an thlir ning lo.

Lei lungngai le harsat buainak phunkim hnuaiah,
Zumtupawl lungawiin zaihla an sa;
An hrang khua rung vangsehsalem thar mawi nuamah,
Na hruaikhawm ding ni sunglawi ngaiin an thlir si.

KUM TAMPI LEITLUN

Kum tampi leitlun sual nomnak ah,
Ka vakvai Ruuntu Bawi theilo in;
Hnangam le lungdaihnak hawl hman ning,
Buainak le beidawnnak lawng an si.

Jesuh lawng nun hnangamnak a si,
Ka nunnak le ka ziangkim a si;
Ruahsan ding dang ziang neilo hman ning,
Tu ka nei, hnangamnak Bawi Jesuh.

U le nau, tu-ah na nunnak kha,
Zohfiang hman mero vek men a si;
Hi leitlun sunlawi hminthannak khal,
Sankhuk daih ding zianghman an umlo.

Ka thei fiang Bawipai' duhdawtnak cu,
Misual ka hrangah a nun a pe;
Ka sam theilo Bawipai' duhdawtnak,
Ka thlun ding ka nunnak a liam hlan.

KUM LE CAAN A HER CAANAH

Kum le caan a her caanah hin, lunglen hi thosal maw;
Ngai lo le lungleng lo hi um ve maw!
Kan hngak Krismas ni eng a rung thleng thar leh ih,
A mawizual sinin Bethlehem par khi,
A par singseng e par bang kan lawm.

Aw, a va mawi em, kan hngah lungawi caan tawite hi,
Kan vannei em e, nomnak ni kan ton leh hi;
Lungrual khatin zaihla rem tlang uhsi,
Nan lungsiatnak cu puan bang hlip uh.

Ninghang lungsia mi le lusun,co tawk hi ruat ve hman,
Mual a liam zo hnu ngaiin an ṭap maw;
Par bang an lawm hnu nomnak ni an thlen tikah,
Sung kim nuamza ih an len lai ngai in,
An ṭah mitthli rialti bang luang maw.

Tluanghla ih leng rual duhle tla, damten nan umhai maw?
Krismas lungawi ni caan a thleng leh i;
Cung Pathianin damte’n in hupphen ton hramseh,
Damtein maw kan tonsal hlan tiangin,
Lungthin nuamte le damte’n mangṭha.

Kan cung khua nui hlual ni dam ten, lom in zai rem uh si,
lungthin naa mi le ning hang mi dai seh,
Kan ngak in lung awi nuam cu a rung thlen leh ii,
Nan phur rit mi kha tan feh san uh,
Can ṭha nan neih sung ah lungawi uh.

KUM HERLIAM IN KAN NUN

Kum her liamin kan nun mawi le caan ṭha,
Hlanlai a caanter ding maw;
Tinkim ka dawncangin,
Umhar in lung a leng.

Na pamhmai na pamhmai,
Aw hun leh kumhlun mual liam;
Na sungah hnam zatinkim kan lengza ee,
Kan damlai sungkim ni le caan ṭha.

Lungawinak caan a liam mi tin hrangah,
Kan nun parmawi a rung cuai;
Hnam tin in caan liamhnu,
Ngaina kan ti hlei ee.

Theih cangsehla caan sunglawi ka tlai ding,
An her liam ni le caan cu;
Nunhlun ngai a sawt lo,
Hlanlai kan ti hlan maw.

KUM A LIAMIN A THLUM SIN

Sualnak sung ka um lai ah i hawltu ka Bawipa,
A hnenah i hruaikir tu, ruuntu Bawi tukhaal tha;
A siannak le in duhnak ti finriat hnak'n thuuk sawn,
Van hnakin a saang sawn mi, cuih thu ka hla a si.

Kum a liamin a thlum sin,
Kum a liamin a thlum sin;
Bawi Jesuh duhnak cu a thuuk in a kau sin,
Kum a liam in a thlum sin.

Hlanlai Judea ram ah khin hna a rak tuan lai ah,
A siannak thu theih duh ah, mi tampi'n an pan i,
Ninghang mi hmuah a damter, mitcaw mi khua hmuhtu,
Atu khalah keimah hman in duh dawt mi ka si.

Cutluk in duhnak ruangah, thinglamtahnak tuar in,
Phunzai lo te’n thihnak tiang, ninghannak khi tuar in,
Van le leitlun mi pawlin, Amah kan thangthat ding,
Amai ’ tlencia mi tla thawn, kumkhua'n hla kan sak ding.

KUM A LIAM IN A THLUM SINSIN EE

A tharsal theu zingin Bawipai rinumnak
Kan cem hloral theh lo hi A ngilneihnak a si
Cung ninu thlapa bang len
A tlang kan tlunah
A velneihnak cu misual kan damnak

Kum a liam in a thlum sinsin ee
Khua a rei in a thaw sinsin ee
Bawipa rinumnak
A thatnak kan hrangah
Kum a liam in a thlum sinsin ee

Kan sual tikah nun in sim
In hrem in vuak theu
Bawipa’n in tuahmawh hnuah
Ama’n in tuamdam sal
Nun simnak cu kan thatnak
Kan felnak a si Pathian faduat a ro cotu kan si

Thlarau ih hruaimi pawl cu Pathian fa kan si
Siarcawklo thlawsuah hmuifu
Nitin in burh kan co
In hnem kan beidon caanah In hmuh a hmel mawi
A vorhlam kut cu kan nehnak a si

KROSS AH I RUN AW

Duh nung Bawi ka ṭahnak aw, I runngai, i runngai.
Sual hman ning ka hrang na thi, Nang na thi, nang na thi.
Sual khur thuk ah ka pil zo, Aw cross ah i run aw.
Na zang fah nak in i hum, Na cross ah i run aw.

        Maw Bawipa i pom aw, ka tlanhlonawnlo ding.
        Na ṭang sungah pom in, Na cross ah i run aw.

Hloral hman ning ka dil ding. Thlacam in ka dil ding.
Na nunnak kumkhualam cu, Aw cross ah i hruai aw.
Na sim mi na zangfahnak, a lak in, a lakin.
Na zangfahnak ka hnenah Aw cross ah i hruai aw.

I thian ter a thiang thi in, na thlet mi sunglawi thi,
A luang mi thi in i kholh, Aw cross ah i run aw.
Zumnak lawngin ngah thei mi, dawtnak i pek mi cu,
Zumnak thawn na hnen ka ra, Aw cross ah i run aw.

KRISTIAN, MANGTHA

Maw duhhniang te aw colh nak caan a si,
Ruuntu Bawipai’ taang sung ah khan zau aw;
Bawi Jesuh duhnak sunglawi sawn a si,
Mangtha! Mangtha! Mangtha!

Nauhniang it bang in daite in it aw;
Ninghan nak in nang lo thang nawn lo ding,
Nunnuam colh nak ah nang va um thlang aw,
Mangtha, Mangtha, Mangtha!

Hih leitlun thimnak a cem hlan tiang in,
A caan kim tik ah in khawm hlan tiang in,
Zaan khua thim nak hmuah hloral hlan tiang in,
Mangtha, Mangtha, Mangtha!

Dawtnak thiangih a mawiter hlan tiangin,
Pathian na bangnak ni bang a tlaang ding,
Sui lukhuh tha na hrang a run keng ding,
Mangtha, Mangtha, Mangtha!

Pathian hmaika ih kan ton hlan tiangin,
Amai’ thuam him thawn a run thuam ve ding,
In theih bangin kan theih ve hlan tiangin,
Mangtha, Mangtha, Mangtha!

KRISTIAN THO UH

Kristian tho uh, it nawn hlah,
Mi ninghang an ṭah lai ah;
Kut sih in kan to men ding maw?
Bawipa’n hnaṭuan in fial ah.

Feh in ṭuan, atu thok uh,
Feh in hawl, tuu hlomi khi;
Sual thim sung a tangmi khi,
Puainak hmun ah run hruai uh.

Ruuntu Bawi kan duhdawt maw?
Kan lo zum kan ti ngam maw?
Neih hmuah pek ding kan kam zo maw?
A kawh kan ngai lo ding maw?

Kan zum ding tluk in kan zum maw?
In zirh bangin kan nung maw?
Kannih cu a mai ta kan si,
Tuannak in zumnak langseh.

Kan phurh ding thinglamtah a um,
Sui lukhuh co kan tum le;
Tha thar in hmai ah nawr uh si,
Caan a tawi ni a nai zo.

KRISTIAN RALRING IN FEH UH

Kristian ralring cio uh, Siatnak a nai ,
Lung derdai mi le raal lau ter hmanseh;
A rei hlan ah sumzing a kiang ṭheh ding, va zum ko uh;
Ruuntu Bawipai’ hminin thlacam cio uh;
Sualforh tu hrial thei dingin va zuam uh.
(Kristian ralring cio uh)3 Siatnak a nai.

Kristian nan lungawi uh, Thli hraang hmanseh,
Vanduur khuathim nakin lau ter hmanseh;
A rei hlan ah sumzing a kiang ṭheh ding, va zum ko uh;
Ruuntu Bawipai’ hminin thlacam cio uh;
Bawipai’ hnenah kumkhua in nan um ding.
(Kristian nan lungawi uh)3 Thli hraang hmanseh.

Kristian thlacam cio uh, Siatnak a tam,
Nan Bawipai’ kawhnak kha lau ter hmanseh;
A rei hlan ah sumzing a kiang ṭheh ding, va zum ko uh;
Ruuntu Bawipai’ hminin thlacam cio uh;
Sualforhnak le thlemnak in nan luat ding.
(Kristian thlacam cio uh)3 Siatnak a tam.

Kristian thlangam ko uh, Ninghan hmanah,
Vancung nan thlen tikah nan lungnuam ding;
Thuṭhen Bawipa in nangmah a bawm ding,
Nan luat ding nan Bawipai' inn nuam sungah.
(Kristian thlangam ko uh)3 Ninghan hmanah.

KRISTIAN RALRING CIO UH

Kristian ralring cio uh, siatnak a nai,
Lung derdai mi le ral a sia mi in;
Khual nan tlawn tikah ṭhia leh thinphangin,
Sual forhtu hrial thei dingin va zuam uh;
(Kristian ralring cio uh)3 siatnak a nai.

Kristian nan lungawi uh, thli hrang hmanseh,
Van dur khawthimnak in lau ter hmanseh;
A rei hlanah suumzing a kiang theh ding,
Bawipai' hnenah kumkhua in kan um ding;
(Kristian nan lungawi uh)3 thli hrang hmanseh.

Kristian thlacam cio uh, siatnak a tam,
Nan Bawipai' kawhnak kha va zum ko uh;
Ruuntu Bawipai' hmin in thlacam cio uh,
Sual forhnak le thlemnak in nan luat ding;
(Kristian thlacam cio uh)3 siatnak a tam.

Kristian thla ngam ko uh, ning hanhmanah,
Vancung nan thlen tikah nan lung nuam ding;
Thuṭhen Bawipa in nangmah a bawm ding,
Nan lut ding nan Bawipai' inn nuam sungah;

KRISTIAN RALKAP HMAI AH

Kristian ralkap hmai ah ral do ding feh uh,
Kan hmai ih a fehtu Jesuh kha zoh uh;
Kan Bawi Jesuh Khrih in raldo hmai in ṭhi,
A thantar mi zoh in hmai ah nor uh si.

Kristian ralkap hmai ah ral do ding feh uh,
Jesuh’ thinglamtah thawn hmai ah nor uh si.

Jesuh hmin in Setan ralkap an tlan ih,
Kristian ralkap in neh Jesuh bawmnak in;
Thangṭhatnak hla sak uh hellram hmuah hnin in,
U le nau au cio uh nan aw hmuah suah in.

Ralkap an feh bangin Kristian kawhhran mi,
Mithiang fehnak hmun ah khi lam thlun uh si;
A ṭhen mi kan si lo, pumkhat bang kan si,
Zumnak le zangfahnak hmun khat nei kan si.

Leiltun sunlawinak hmuah liam in ral hmanseh,
Jesuh Khrih kawhhran hmuah kumkhua’n a hmun ding;
Hellram in neh lo ding zumnak hram fekseh,
Thu in tiam mi bangin kumkhua in hmun ding.

Leitlun mi hmuah hmai ah Kristian ah lut uh,
Nan aw suah in saang ah nehnak hla sak uh;
Jesuh Khrih Siangpahrang thangṭhat cio uh si,
Vanmi thawn hlasak tlang amai’ mi kan si.

KRISTIAN LUNGAWI UH

Khristian mi lungawi uh, Nan thinlung neih hmuahin,
Kan sim mi thu cu ngai uh;
Thu thang! Jesuh Khrih a suak tui’ ni,
Caw le laak a hmai ah kuun in,
Caw kuang sung a tu a um,
Khrih a suak tui’ ni, Khrih a suak tui’ ni.

Khristian mi lungawi uh Nan thinlung neih hmuah in,
Kumkhua thlawsuahnak thei in,
Lawm uh! Jesuh Khrih cu a suak zo,
Vancung sangka cu` a ong zo,
Mi hmuahhmuah in co dingah,
Khrih cu a suak zo, Khrih cu a suak zo.

Khristian mi lungawi uh Nan thinlung neih hmuah in,
Thihnak hman ṭih nawn hlah uh,
Rem nak! pek ding in Khrih a suak zo,
Nangmah le mi hmuah in a ko,
Umnak hmun ṭha co dingin,
Ruuntu Khrih a suak, Ruuntu Khrih a suak.

KRISTIAN KUT SIHNAK HLA

Pathian in khuahlan pin kutsih nak a tuah,
A thiang mi inn saang khat si ding in,
Upat tlak innsaang khat an sinak ding in;
A thiang mi nunnak thar an nei ding.

Lungawi nak in lompi cio ve uh,
Kan rualtha kutsih nak puai ah hin,
A tu kan lom nak hi vancung tiang thangseh!
Leitlun an nunnak a cem tiangin.

Jesuh in Kristian mi a duh nak ah hin,
An hrang a nun nak a pek bang in,
Nupi thi pa khal in duh ve camcin seh,
A thiang mi zirhnak kha thlun ve seh.

Bawipa, nangmai’ kut sungah himten um seh,
An hnen ah na thlawsuahnak um seh;
Ninghan le nuamnak ah thinlung hmunkhat seh,
An cah nak nangmai’ hrangah hmang seh!

KHRIH KA HRANGAH A SI

Bawipa nang siar lo vancung ah,
Rinsan ding ka nei lo;
Ka nun sung hi hla sak dingah;
Keimah hrang Khrih a si,
Keimah ai ah retheih tuar in,
A thii in kei mah i tlen zo,
Pa thian in kei mah i rem zo,
Ka hrang Jesuh a si.

Milian hlawnthil ka daw ve lo,
Keimah ta Khrih a si,
Leitlun sumsaw ka daw fawn lo,
Keimai’ hrang Khrih a si,
Lei tlun lennak a hmun lo ding,
Leitlun hlawnthil a hlo ral ding,
Kumkhua lungawi nak cu ka ta,
Ka hrang Jesuh a si.

Fa rah zonzai cu tuar hman ning,
Keimai’ hrang Khrih a si,
A ma'n in thei ka phunzai lo,
Keimai’ hrang Khrih a si,
Ka neih mi le sumsaw hmuah in,
A za te in sung ve hman-ning,
Leitlun thil ring in
ka nung lo, Ka hrang Jesuh a si.

Atu leitlun ah um hman ning,
Keimai’ hrang Khrih a si:
Ka kimveel sualin khat hmanseh,
Keimai’ hrang Khrih a si.
Hi leitlun raaldo har hmanseh,
Ka thlarau cu thanau hmanseh,
Amah ka ring, sam dang um lo,
Ka hrang Jesuh a si.

KHRIH HNENIN NA TLAN

Duhdawtnak thawn a ko, Khrih tel lo'n na um,
Zum duh lo in ziang hrangah na el ṭheu?
Lei tlun ah nomnak ziang so na seseh herh lai,
Hmunhnih in bum nak na tuar thei ding maw?

        Jesuh hnen pan aw, Rethei thil rit phur mi,
        A caan um lai ah va feh aw; Jesu’n a lo hngak,
        Nangmah kha a lo hawl, Ngai hman tui’ ni ah a lo ko.

Caan a um lai ziangah, Khrih tel lo'n na um,
Zan caan thleng la ziangti'n na um ding;
Krih tel lo in cerhti man tha a luang lai,
A man um lo ti-nung na hrang a luang.

Zangfah nak a um lai, Khrih tel lo'n na um,
Na sualnak in kir sal na duh ah cun;
Nangmah run dingah sang ka in a lo hngak,
Sual thlah ding ah lut ter ding in a hngak.

Duhnak thawn thu a kam, Khrih tel lo’n na um,
A duhnak co dingin na ruat zo maw?
Atu lut aw arsi lam hruainak lamah,
Zamrangin lut, lung sirin lut thlang aw.

KHUAZAKIP AH JESUH THAWN

Jesuh thawn khuaza ramkip ah ka feh ding!
In hruainak kip ah himte in ka thlun ding;
Amah lo in khui hmanah ka lungawi lo;
Amah a um ah cun ṭih nak ka nei lo.
Khui hmanah, khui hmanah; Ṭihnak a um lo;
Amah a um ah cun ṭih nak ka nei lo.

Keimah lawng ka si lo, Bawipa thawn kan si!
Jesuh a um, midangin dungtun hman seh;
Harnak bik lamzin ah keimah hruai hman seh,
Jesuh thawn umnak kip ah nuamnak a si.
Khui hmanah, khui hmanah; Ṭihnak a um lo;
Jesuh thawn umnak kip ah nuamnak a si.

Khuitik hman ah thihnak caan cu thleng hman seh!
Vancung khua ah Jesuh in i fehpi ding;
Leitlun harnak ram ah ka vaai nawn lo ding,
Jesuh a um ah cun thlangamnak a si.
Khui hmanah, khui hmanah; Ṭihnak a um lo;
Jesuh a um ah cun thlangamnak a si.

KHUAVAN TIANG KA LO UMPI DING

Na veelkim thli a hran tikah,
Ṭihnungza a si!
Thli in na long a hran tikah,
Retheihnak a si.

Ruuntu Bawipa zoh uh. Lungawinak a si!
Khawvan tiang ka lo um pi ding,
Ka lo ruun ding ṭih hlah a ti,
Khua a van tiang ka lo um pi ding.
Ka lo ruun ding ṭih hlah a ti.

Ruahsannak nei ngam lo mi tla,
Lawng sungah an um;
Bawipai’ kawhnak aw an theih in,
Lungawi in an um.

Tilian nawi cung thli hran lai ah,
Lawng a pil zik ah;
Ruun dingin Jesuh a feh zo,
Phannak a dai zo.

Nangmah duh tuk ruangah a ṭum,
Na hrang a thi zo;
Na nun ṭhat lo taanin zum aw,
Inn ṭha na thleng ding.

KHUA A VAN TIKAH

Zing khawvangmawi zet ah, Lung sungin hla ka sa,
Jesuh hmin thangṭhat uh! Thlacam in hna ṭuan uh
Ka ra Jesuh hnenah, Jesuh hmin thangṭha seh!

Biak inn darkhing aw mawi, Fing le tlang ah a thang,
Jesuh hmin thangṭhat seh! Ngai hman uh a aw mawi,
Lung awiza in a thang, Jesuh hmin thangṭha seh!

Zaan khawthim cu sun bang, Ka lungsung a phun dang,
Jesuh hmin thangṭhat uh! Thinphan nak hmuah a hlo,
Khrih thu atheih tik ah, Jesuh hmin thangṭhat uh!

Nannih mi phun hmuah in, Leitlun mi hmuah hmuah in,
Rualremin hmun khat seh, An lungawinak hla in,
Jesuh hmin thangṭha seh! Jesuh hmin thangṭhat seh!

KHRIH THINGLAMTAH AH

Jesuh Khrih thinglam tah nak cu,
Kei mai sunlawi nak a si,
A thiang, tleu nak thuanthu ṭha cu;
Jesuh thinglamtah a si.

Thin phan nak in i man tikah,
Ṭih a zual, ruahsan nak hlo,
Thinglamtah in dung i tun lo;
Daihnak in lungawi nak ah.

A thlawsuah ni a tlaan tikah,
Ka lam dawtnak in tleu sin,
Thinglamtah thlam a lang tikah,
Nitleu kha a mawiter sin.

Lungawi nomnak le natnak cu,
Thinglamtah in thiangter zo;
Khingthlai thei lo mi daihnak cu,
Lungawinak kumkhua’n hmun zo.

KHRIH SUNGAH

Bawi Khrih sungah ṭhennak um lo,
Sak, thlang, sim, zo, um lo;
Vanrang hnuai khuaza kip zeel tu,
Dawtnak kawikom lawng um.

Bawi Khrih sungah lungkhat thinkhat,
Ton khawmnak a um fawn,
Suihri khih bangin hnaṭuan khat,
Phun thleidan ti um lo’n.

Zumnak nei mi kut-sih khawm uh,
Nan phunhnam hmuah hngilh in,
Kan Pa Pathian hnaṭuan hmuah in,
A fa bangin um uh.

Bawi Khrih sungah tonkhawmnak um,
Sim, zo, sak, thlang, hmuah in,
Lungkhat nei Khrih zumtu hm uahin,
Pum khat bangin an um.

KHRIH LE KAWHHRAN HRANG

Khrih le Kawhhran hrang kan ding, Lungthin hmun khat nei in;
Kan aw thangthat nak ah, Kan kut mi bom nak ah;
Vak vai mi hruaisuak in, Khrih le Kawhhran hrang.

        Khrih le Kawhhran hrang kan ding,
        Lungthin hmunkhat te in;
        A tu thok in kan nun kan pe,
        Khrih le Kawhhran hrang.

Khrih le Kawhhran hrang kan ding, Ni tin a hna ṭuan in;
ṭhahnem ngai le zuam in, Ziangkim ṭuan le tuah in;
Kan thukam fek ter in, Khrih le Kawhhran hrang.

Khrih le Kawhhran hrang zai hla, Lungawi in Ho sa na;
Kan nih in luat ter ih, Neh nak ding thu ih kam;
Hi mi kan tum si seh, Khrih le Kawhhran hrang.

KHRIH LE A KAWHHRAN HRANGAH

Khrih le a kawhhran hrangah hla sak uh,
Kan Siangpahrang Bawipa a hmin thangṭhat cio uh;
Mino nan thazaang cahnak bangin ṭuan uh,
Pathian uknak sungah fek te in ding uh.

In ruuntu Khrih kan Bawipa,
Kan hrang a thihnak kha;
A kawhhran a thii in lei zo,
Bawipa in cak ter aw.

Khrih le a kawhhran hrangah thlacam uh,
A thinglamtah nitinte in phur cio uh si;
A Thiang Thlarau cahnak kha nei cio uh si,
A hna kha rinsan tlak in va ṭuan cio uh.

Khrih le a kawhhran hrangah zuam cio uh,
Sui le ngun nan neih mi a hrangah pe cio uh;
Kan neih mi lak ṭha bik sup lo in pe uh,
Cu tluk siannak thinlung ṭha kha va nei uh.

Khrih le a kawhhran hrangah pumpe uh,
Siatnak le hngalnak nan neihmi hmuah hlon cio uh;
Kan nun sung caan a hna ṭuannak kan hmang ding,
Bawipai' vorhlam ah lungawi in kan thleng ding.

KHRIH LAWNGIN A KIMTER THIAM

Maw Bawi Jesuh ka thlarau in,
Nangmah lawng kha a duh;
Lungdaih thlangam ka hawl na in,
Atu lawngah ka hmu.

Mi lung duhnak kimter thiam mi,
Adang zo hman um lo;
Lungawi, nunnak, duhnak cat lo,
Jesuh thawngin a si.

Lungdaih nuamnak ka hawl tik ah,
Nangmah ka ruat baan lo;
Ruuntu Bawipa ka el hmanah,
Dawtnak in i hruai zo.

Leitlun nuamnak le daih nak ah,
Ka duh ka hawl na in;
Ka hmu zo ti'n ka ruah tik ah,
Thinnau nak lawng a si

Leitlun nomnak ngai in ka ṭap,
Nangmah kha ruat lo in;
Khi tikah ka mit na vangter,
Sunlawinak lawng a si.

KHRIH JESUH AH PALAI

Khrih Jesuh ah palai dingin,
Bawipa’n in rak hril fawn si i;
Ka nunnak khal Bawipa-ah cun,
Hlanin a um ve zo maw le.

Kei ka hrangah nun hi Bawi Khrih a si,
Thih khal hlawknak a si si i;
Hmanseh tisa nun ka co sisehla,
Ziangha ka hril sawn ding ka theithiamlo.

Bawipai' duhzawng ti thei dingin,
Keimahah zianghman a umlo;
Kros thiltitheinak cu hmangin,
Ti theilo zianghman a umlo.

Tisa thiltinak cu ringin,
Ka feh vivo ka tling si lo;
Ka nun cu Bawi Khrih tello cun,
Tuahnak thi, rongbawlnak a si.

KHRIH A THO ZO

Thlankhur thuuk ah an vui, Jesuh ka Bawipa,
Na rat ding ni kan hngak, Jesuh ka Bawi.

Thlanthim sung-in a tho zo,
A raal hmuah neh a thawmliannak in,
A mah in thihnak kha neh in a tho zo,
A kumkhua a nungin in uk lan thlang ding,
A tho zo A tho zo, Halleluijah, a tho zo.

A thlan lawngpi an kil, Jesuh ka Bawipa,
Thlankhar a ṭha hnem lo, Jesuh ka Bawi.

Thihnak in a neh lo, Jesuh ka Bawipa,
Thlankhar lung a kuai zo, Jesuh ka Bawi.

KHRIH A KIRSAAL ZO

Zing khua vang dingin, deirel arsi suah tikah,
Khawthimnak hmun hmuah hmuah ni ih a tlet tikah,
A hu thawmlian thawn Bawi Jesuh a ṭum tikah,
A zumtu hmuahhmuah khawm dingin.

        Maw in Ruuntu Bawipa Jesuh, Thangṭhatnak hla sak uh;
        Khrih a kir zo, Haleluijah! Haleluijah! A men! Haleluijah! A men!

Sunlai fang ah maw, nisiim lam khalah siseh,
Zaanṭim laifang ih khua a thim tikah siseh,
A hu thawmlian in thimnak hmuah a tleu ter ding,
A zumtu hmuahhmuah khawm dingin.

Hosana ti in, an au ding a ṭum tikah.
A mithiang mi le van mi ih an thlah tik ah;
In zangfah nak le thangṭhatnak mit hmai keng in,
A zumtu hmuahhmuah khawm dingin.

Kan lungtum bik cu, thlen kan duh thih um lo in,
Ninghan lungsiat umlonak hmun vancung khua ah,
Bawipa thawn vanah kai ding mero suumzual in,
A zumtu hmuahhmuah khawm dingah.

KHI VANCUNG INN

Vancung inn tha khi va ruat uh,
A tleu mi tiva raal khat lam ah,
Thih nak a um nawn lo khih ram nuam ah,
Puan var sin mithiang mi an um.

Vancung ah, vancung ah,
Kan um nak ding inn kha ruat uh,
Vancung ah, vancung ah,
van cung ah, Kan um nak ding hmun khi ruat uh.

A feh cia rual tha kha ruat uh,
Hmailam ah thleng zo mi ruat ve uh,
Lungawi nak hla sak in an um hmun ah,
Vancung an um nak inn sung ah.

Kan Bawipa cu khinah a um,
Ka hawi le rual tha hmuah in an um,
Van san le ning han nak hmuah in hlon aw,
Thlawsuah nak ram ah in hruai aw.

Vancung inn tha kha kan thleng ding,
Kan khualtlawnnak caan a cem tikah,
Kan duh mi hmuah an um khi ram nuam ah,
Kanmah hngakin khua an cuan ding.

KHI RAM UM KA DUH

A hlat mi ram tha ah um ka duh,
A nuam zia kaa ih sim cawk lo mi,
Ni hnak in tleu sawn mi khi ram ah,
Bawi Jesuh thawn kumkhua um ka duh.

Khi ram ah, (khi ram ah,) khi ram ah, (khi ram ah,)
Bawi Jesuh thawn kumkhua um ka duh (um ka duh, )
Khi ram ah (khi ram ah) khi ram ah, (khi ram ah, )
Bawi Jesuh thawn kumkhua um ka duh.

Baibal sung ih thu ka theih tik ah,
Thawsuah nun nuamnak thu a si ding,
Tha baang le rilrawn, tininghan halnak hmuah,
Khi ram kan thlen tik ah a hlo ding.

A nuam le a mawi khi ram sung ah,
Thih nak le ninghan nak a um lo,
Tah nak le mitthli tlak a um lo,
Thihnak a um nawn lo khi ram ah.

Khi ramnuam sungah um thei dingin,
Mi sual mi kha a forh Pathian in,
A thukam bangin zumtu hmuahin,
A kumkhua khi ramah an um ding.

KHI RAM NUAM HMUN

Khi ram nuam hmun thlen rang ka duh,
A caan a nai ding maw?
Ral thil thuam hmuah ṭhum cing ka duh,
Inn nuam ka thleng ding maw?

Jesuh a thlen hlan tiang ṭuan uh,
A thlen hlan tiang ṭuan uh;
A net tikah inn nuam ah kan um ding.

Leitlun ah nuamnak a umlo,
Hnangamnak um ve lo;
Tihnak a tam caan a sau ih,
Retheihnak ram a si.

Nun nuam ngah ding Jesuh hnenah,
Lam dang ah pial lo in;
Beennak hmun nuam a ṭaang sungah,
Vancung ka thlen tiangin.

Ruuntu Bawipai' hnen ka thlen in,
Vahvaihnak umlo ding;
Amai hnenah thlangamte in,
Van inn nuam ka thleng ding.

KHAWVEL SUAHSAN NINGLA

Khawvel suahsan ningla,
Hnulam hoi nawnlo in;
Awi te’n tlei hmaisa in,
Pialral ram mawiah in hngak e;
Kumkhua nomnak ramah.

Tah le ram lungngainak,
Khawvel ka ceennak hi;
Lungrualnak Zion tlang cungah,
Lenza ding ka hngakhlap.

Zoh aw, Bawipa kan len,
Nak ram lungngainak hi;
Thlaler hrehum a si,
Thihnakin rualduh in ṭhen ṭheu;
Na ram thlen hlan hi cu.

Immanuel Bawipai',
Khaw thar mawi nuamah cun;
Then zairel a umlo,
Lungngai fahniang tla cui hmun ah;
Tonkhawm ding ka hngakhlap.

KHAWRUAHHAR BAWIPA

Hi leitlun in hmuh thei lo mi lungawinak le,
Ton dah lo mi daih nak ka tong zo, tong zo,
Ka khuaruah har nak Bawipa ka Bawi pa hnenah,
Ka pum le ka thlarau ka pek zo.

Khaw ruah har Bawipa, Khaw ruah har Bawipa,
Vanah van mi thiang pawlih an u pat mi,
A thiang Runntu na ke hram ah ka kun,
Khaw ruah har, khawruah har Bawipa.

Ka duhnak cu a duh bang kim theinak dingin,
Ka nunnak A hnen thlen hi a si, a si,
A vancung uk nak bang a kim thei nak dingin,
Maw khawruah har, khawruah har Bawipa.

Na lungkim nak cu ka hrangah laksawng a si,
Ka cah nak hmuah in A hnen ka pek, ka pek,
Ka khawruah har nak Bawi pa ka Bawi pa hnenah,
Ka zei zong za hmuah in ka pek zo.

Leitlunih mi thabik hnakin Nang na tha sawn,
Huham le nunnak neitu na si;
Khuahlanin um cia mi thangthat cotu na si,
Maw khawruah har, khawruah har Bawipa.

KESIMANI HMUAN AH

Kethsemani hmuan ah Jesuh cu thlacam in,
Nang le keimai sualnak ruangah maw;
Thlacamin zankhua deirel arsi hnuaiah,
Maw ka Pa, maw ka Pa tiin maw.

Maw ka Pa, hi khuat hi i lanter aw,
Sihmanseh nangmai thu siseh;
Khawzan hnuaiah cun lu kunin a ṭap ko,
Maw ka Pa, maw ka Pa tiin maw.

Maw Piter nazi pakhat hman hngak theilo,
Sualforhnak ngahlo dingin thlacam;
Nan thlarau cun a zuam nán, nan taksa cu,
Thazang a mal ti’n Jesu’n a ti.

Judah Iskariot cu Jesuh hnenah ra-in,
Maw Bawipa tiin a ra hnam i;
Ngun nam le talhtum thawn kan Bawi Jesuh cu,
Kalvari tlang lamah an hei hruai.

KENESARET TIKAM AH

Kenesaret ti-kamah cun,
Bawipa in Simon thu a pe;
Bawipa zanvaarin kan vorh nan,
Pakhat te hman kan kai ngah lo.

Tithuk lam pan in, ngate kai dingin,
Na suur kha hei vorh aw;
Ti thuk lampan in, ngate kai dingah,
Na suur vorh aw a ti.

Thu thlun in Simon Peter in,
A suur cu a hei vorhsal ih;
Bawipai' thil titheinak maksak,
An dong cawklo a luangliam ee.

Kannih khal Simon Peter bang,
Minung kai dingin in rak ko;
A thutiam a kim hlan tiangin,
A thu in suur vorh cio uh si.

Kan Bawipa ringngamtu pawl cun,
A thil tithei an phuangcawklo,
Kan theitawk hi suah cio uh si,
In hlawhtlin ter ding kan Bawip’n.

KEIMAH THAWN UM AW

Keimah thawn um aw, zaanthim caan a nai,
A thim sinsin, Bawipa i naih hram aw,
Bawmtu dang um lo, nangmah lawng na nai;
Vansang mi bawmtu, keimah thawn um aw.

Kan nunnak cu ni nu bangin a liam,
Leitlun thangṭhat sunlawinak khal a ziam;
A ral thei, ziam thei, thilri lawng ka hmu;
A hmun mi, maw Pathian ka hnen rung um.

In umpi aw nangmah cat lo kan duh,
Sualforh nak cu na thu in daiter aw,
Bawmtu dang um lo, nangmah lawng kan duh;
Ninghan, lungawi hmanah kei thawn um aw.

Ka mitsin hlanah thinglamtah lang seh,
Ka mitmeng in vanlam i cuan ter aw,
Vancung in tleu seh, thimnak hmuah hlo seh;
Thih le nunnak lakah kei thawn um aw.

KEIMAH IN RUUNTU

Keimah in ruuntu sunglawi Bawipa ka nei,
Leitlun ah rual a mal nan duhnung Bawipa;
Atu Amah in nunnemte’n in fingkhawi thei,
Ka Bawipa khal a si ve, nangmai Bawipa.

(Nangmai hrang thla ka cam)3
Na hrang thla ka cam.

A kumkhua ruahsannak petu Bawipa ka nei,
A hmunmi thlawsuah petu Pathian a si;
Amah tong ding vancung khua ah in ko cing ding,
Keimah le nangmah cu in hruai tlang leh ding.

Tiva bangin a dai mi daihnak ka nei,
Leitlun hawipi theih lo mi daihnak a si;
Keimah i ruuntu ka Bawipa lawng in a nei,
Nangmah khal hi daihnak pek ve mi na si.

Bawipa Jesuh thu midang hnenah sim ve uh,
Duhnungza ruuntu cu na Bawipa a si;
Bawipa thangṭhatnak hmu dingin thlacam sak uh,
An hrang nan thlacamnak bangin an ngah ding.

KEIMAH IN HAWL

Jesuh ka Bawipa, Bethlehem khua ah,
Ningzah ninghanza caw rawl kuang sungah;
Aw mangbangza a hrinnak sunglawi seh,
Keimah hawl ding a ra.

Keimah hawl ding a ra, Keimah hawl ding a ra,
Aw mangbangza a hrin nak sunglawi seh,
Keimah hawl ding a ra.

Jesuh ka Bawipa, Thinglamtah paar ah,
Keimai’ sualnak ai ah thihnak a tuar;
Maw mangbangza hi bangin thihnak tuar,
Keimah kha tlen dingah.

Jesuh ka Bawipa, a hmun kumkhua in,
A tuudum leng suakin ka vaakvai i,
Thinnem zaidam in keimah hawl dingin,
In kawhnak aw a si.

Jesuh ka Bawipa, Vancung in qum ding,
A thukam kha pelh loin a kim ding;
Vancung in a qum tikah ka hmu ding;
Keimah hawl ding a ra.

KEIMAH I RUUN

Ruuntu Bawipai' in duhnak hla,
Thangṭhatnak in ka sak ding,
Thinglamtah nak a tuar
mi kha, Misual keimah luat nak ding.

A mah thangthat nak hla ka sak!
A thii in kei i tlen zo;
Thinglamtah nak kha a tuar i,
Ka sualnak a luat ter zo, a luat ter zo.

Mangbangza thuanthu ka sim ding,
Ka sualnak in luat dingah,
In duh zangfah nak tam
sinsin, In luat ter, a man lo in.

Ruuntu Bawipa ka thangṭhat ding,
A nehnak thu ka sim ding;
Sual le thihnak hell a
neh zo, Thihnak in a thosal zo.

Vancung Pathian in duhnak hla,
Thangṭhatnak in ka sak ding,
Thihnak in nungleh Pathian Fa,
A mai’ hnenah kan um ding.

KEIMAH HNGILH LONAKAH

Nangmah kan biak Bawipa, mangbang za zang fah nak,
Tui ni tiang in him ter tu a si,
In duhnak ṭhat zia cu, u pat tlak a si,
Nangmai’ hmai ah kuun in kan biak sunglawi Bawipa

        A sunglawi na thukam mi bang in tuah hin,
        Bawipa nangmah thawn rawl hiil tlang in,
        "Kei mah hngilh lo nak ding in hi ti'n tuah uh,
        In sim mi thu cin ken nak in.

Nunnak sang na si i, ci tlak tu kan si lo,
A ṭilfuan sar tlak hman kan si lo,
Sihmanseh na ṭhat nak zar to in kan ra,
Mi hmuah hmuah a zangfah tu Bawipai’ ta kan si.

Kan ruah-nak thar ter in, tha zang thar nei ding-in,
Kan zumnak thawngin hmu thei dingin,
Bawipai’ ratsal tiangin, a thih nak ruat uh,
Sim cawk lo a sunlawi nak thu kha sim cio uh.

KEIMAH HNAKIN SANGSAWN LUNGPUI

Atu le atu khua a thim,
Nunnak sangka thlen ding a har,
Thlisia bang lungsiatnak a hrang,
A khar keimai' nunnak thlarau.

A lian Lungpi hnen been ka duh
Kei hnakin sangsawn Lungpi hnen ah, been ka duh,
A lian Lungpi hnen been ka duh,
Kei hnakin sangsawn Lungpi hnenah.

Atu le tu nitlak a har,
Atu le tu lam feh a har,
Leitlun nunnak a um lai ah,
Thlen ding kan duh Lungpi hnenah.

Lungpi hngauhsan in din ka duh,
Zonzaih retheihnak thleng hmanseh,
Tlaang le rawn ah thlen har hmanseh,
Khawthim hmun in tleu hmuh ka duh.

KEIMAH HMAN

Bawipa thlawsuah ruah suur bangin,
Man lo in tampi suur seh;
Ramcaar hmuah in an hrin bang in,
Ka hnenah rung suur ve seh.

Keimah hman, keimah hman!
Ka hnenah rung suur ve seh.

Duhnung Pathian ka sual na in,
Keimah hi in tan ta hlah;
Santlai lo mi ka si na in,
In zangfah nak rung sur seh.

Ruuntu Bawipa i lan ta hlah,
Na hnenah i beu ter aw;
Nangmai’ ṭhat nak ka hmarngai sin,
Keimah hman hi i ruun aw.

Maw Thiang Thlarau i lan ta hlah,
Mitcaw mi lam hmuhter tu;
Jesuh thatnak i hmuhter aw;
Hmual neihnak thu i sim aw.

Pathian dawtnak thianghlim ṭunghmun,
Khrih thisen luang luatnak thu;
Pathian zangfah, cahnak tampi,
Ka lung sungah in umpi.

KEI KA HRANGAH NUN HI

Kei ka hrangah nun hi Bawi Khrih asi,
Thih khal hlawknak a si si ih;
Hmanseh tisa nun ka co sisehla,
Ziangso ka hril sawn ding ka thei thiamlo.

Khrih Jesuh ah palai dingin,
Bawipa’n in rak hril fawn si ih;
Na nunnak khal Bawipa ahcun,
Hlan in a um ve zo maw le?

Bawipai' duhzawng tithei dingin,
Nangmah ah zianghman a umlo;
Kros thilti theinak cu hmangin,
Ti theilo zianghman a umlo.

Tisa thiltinak cu ringin,
Na feh vivo na tling si lo;
Na nun cu Bawi Khrih tello cun,
Tuahnak thi rongbawlnak a si.

KEI IN HNGILH HLAH

Maw in ruuntu ka Bawipa aw!
Kei hrang thii na thlet maw?
Santlai lo kei ruangah hin maw?
Lu hloh tiang na tuar maw?

Keimai’ nunsual palh ruangah maw?
Thinglamtah ah ai maw?
Cubang in zangfah nak thu cu,
Sim cawk lo dawtnak cu!

Leitlun mi hmuah sual ruangah maw?
Je su’n thihnak a tuar;
A thinglamtah kahmuh tikah,
Ningzak in hmai ka hup!

Ninghan mitthli’n sam thei lo mi,
In duhnak leiba cu,
Pumpek hmanah sam cawk lo mi,
A dai lo duhnak cu.

KAWHHRAN IH NEHNAK HLA

Tho uh, tho uh, Bawipai’ in kawhnak aw ngai uh,
Dinguh, ding uh, Amai’ Thu khi zum uh;
Feh uh; feh uh, Lungawi nak thu-thang than cio uh,
A sunglawi mi Bawi Jesuh Khrih thuzum cio uh.

        Feh uh, hla khi sak uh, Feh cio uh, kan cung zing arsi a tleu zo,
        Feh uh, hmaiah nawr uh, In Ruuntu Bawipa in hmai a ṭhi zo;
        Thangṭhat nak hla an sak mi aw ngai cio uh,
        Hosanna ti khin napi in au cio uh, Rinsan tlak raalkap hmuah in,
        Bawi Jesuh lawng zum cio uh, Kan feh phah in au uh Hosanna ti in.

A thawm a thang, runnak duh mi leitlun mi in,
Ngaiuh, ngai uh, tipi thuanthum kaanin,
Zuanzang, in feh, runnak thuthang ṭha khi than uh,
Fa-rah zon-zai rethei mi khi va hngilh hlah uh.

Pathian, Kawhhran, zangfah thinpem nak kut suah uh,
Sual nak ram ih a um mi run dingah;
Dawtnak, kutin hruai uh anmah tla ruun dingah,
Ruuntu Bawipai’ tuudum sungah run hruai kir uh.

Zoh uh, zoh uh, a thukam mi tikcu a nai,
Mi hmuahhmuah in, Siangpahrang an hmuak ding,
Hi leitlunah lungawi remnak thlen ding a nai,
Halleluijah thangṭhatnak aw napi’n thang ding.

KANNIH MIFIM PATHUM

Nisuah lam in mifim pathum,
Laksawng kengin lamhla'n kan ra,
Fingtlang tiva kaan in kan dum,
Arsi thlunin kan ra.

Aw mangbangza arsi tleu cu,
A mawi mi arsi tleu cu,
Nitlak nak lamah in hruai i,
A hnen thlen tiang in feh pi

Bethlehem suak mi siangpahrang,
Suilukhuh khum ter ding kan keng,
Kum khua in hmun mi siangpahrang
Kan zate'n in uk ding.

Frankinsen peek dingin kan keng,
Rimhmui thaw Bawipai’ hrang kan keng,
Thangthat le thlacam in kan bia,
Cungnung Pathian kan bia.

A kha mi rimhmui Myrr kan keng,
A thi mi damter theilotu;
Ninghan riahsiat thinheng thihnak
Hmuh saktu ding a si.

KANNIH INN SUNGSANG CUN

Kannih inn sungsang cun kan hnemawknak bik cu,
Kan Bawipai' thu lawng hi a si;
Hi leitlun thilah hnemawknak dang kan neilo,
Kan Bawipai' ratnak ding cu kan hnemawknak.

Jesuh Khrih cu a sunglawi,
Kannih inn sungsang hrangah;
Hi lei harnak ramah um hman ning,
Mit hmuh lo cung Pathian Thlarauin lam in hruai;
Immanuel Bawipa’n in umpi.

Kan inn sungsangah tuarnak vei tampi a lut,
Aw a har, a har kan ti laiah;
Bawipai' remruat a si ti kan theih fiang hnu cun,
Tuarnak ruangih malsawmnak cu kan sar suak.

Hi leitlunih kan tuarnak caan a rei nawnlo ding,
Ziangkimah Bawipa lawng rinsanin;
Harsatnak tuar phahin Bawipai' ram kan lut ding,
Aw ka hngakhlap Bawipa thawi kan len ding caan.

KANNIH CU THLARAU THIANGHLIM

Kannih cu Thlarau thianghlim ruangah,
Thil kan hmuh le kan theihmi hi;
Simlo in kan um theilo a si,
Leitlun mi-in theihpilo hmanseh.

Khrihfa pawl tla hmai nor sinsin in,
Kan ke kan kar ding dungsiplo in;
Thim thuneihnak leitlun hmuahah hin,
A thil titheinak kan phuangsin ding.

Bawi Khrih thil titheinak phuannakah,
Setan rallian neh in a um;
Bawi Khrih thuneihnak lalnak kipah,
Leitlun mi an buai ṭheu mangbangin.

Hi thuthup Bawi Khrih ih um mi kha,
Mifim le hna vang pawl hnenah;
Kan Pathian in a phuang nawnlo ding,
Nauhak pawl hnenah a phuangsin ding.

KANNIH BAWI KHRIH ZUMTU

Kannih Bawi Khrih zumtu tla in,
Kan thinlung sungah hin,
Sodom le Gomora cu kan iang,
Rung lengsal aw Bawipa nang kan lo ngai.

Ram nitla dahlo ih laireltu Mangbawi,
Na ramah cun eltainak tla,
A um nawnlo an ti,
Nuam in kan leng thlang ding.

Maw Abraham nang kan lo ngai,
Sarah khal kan ngai ee,
Kannih zumnak ih thu kamtu tla’n,
Bawi hmai ih thukam kha pelh hlah uh si.

Hih leitlun ih zumtu pawl hin,
Maw Bawipa kan lo ṭul,
Na ram rung thlengseh kan thinlungah,
Cunglam Salem thar kan ngai ce naa maw?

KAN ZATE IN KAN TONSAL TIANG

Kan zate in kan tonsal tiangin,
Nan hnenah Pathian um hramseh;
A ṭang sungah himdam te in,
kumkhua in Pathian nan hnen umseh.

Kan tonsal leh tiangin,
Jesuh hnen tonsal tiangin;
Kan tonsal leh tiangin,
Kumkhua in Pathian nan hnen umseh.

Kan zate in ka tonsal tiangin,
A thla hnuai ah himdam te in;
Nitin ten mana’n lo cawmseh,
Kumkhua in Pathian nan hnen umseh.

Kan zate in kan tonsal tiangin,
Ningtih thinphannak um hmanseh;
A ṭang ah pom in lo cawiseh,
Kumkhua in Pathian nan hnen umseh.

Kan zate in kan tonsal tiangin,
Dawtnak thantaar puan kha zar in;
Thihnak tilet hman daiterseh,
Kumkhua in Pathian nan hnen umseh.

KAN UMNAK LEILUNG

Kan umnak leilung ni khat khatah a siat ding,
Kan cung ninu thlapa arsi an hlo ding;
Sersiam mi thil hmuah kumkhaw hmun ding an umlo,
Bawi Jesuh lawng aṭha bik kan mai hrangah.

Bawipa na hnen ihta tlan in khuiah kan feh ding,
Na hnenah kumkhaw nunnak a um si;
ṭhal caanih sakhi’n sihti a ngai bangin Bawipa,
Ka nunin nangmah a ngai.

Hi leitlunah cun khual tlawng mi lawng kan rak si,
Cam khatte langih hloralsal mero bang;
Ralringten um uh si kan ralpa setan cu,
Kiosa rilrawng bang bum ding hawlin a rum.

Tui san an uar an sunlawih mi thil hmuah tla cu,
An hloralsal ding zianghman lo men an si;
Pathian fa hrangah cun buaipi tlak an umlo,
Bawi Jesuh lawng a mawi bik ziang hmuah lakah.

KAN THEIHNAK DING A SI

Buainak har sat nak kan ton tik can ah,
Ziangah hi bang in kei in ka tuar,
Ka kim vel ih um mi ṭha lo pawl cun,
Zianghman an tuar lo i mangbang ter.

Khi ni ah cun a za te’n kan thei ding,
A sul lam khal kan thei fianglehding,
Na thinnuam ter aw, Ni tleu sung um in,
Cuini ah cun kan thei fiang leh ding.

Thihnak in duh dawt mi tla in ṭhen ih,
Inn sang sunglawng in kan lung a leng,
Mi ṭha lo pawl in ṭhatnak an ngah cun,
Thil um tu ning in i mangbang ter.

Thihtiangfelte’n um, kan Bawi pa’n in ti,
Tuarnak cu cam khat te in hngak aw,
Na tuarharnak cu rel tlak si lo ding,
A mawi sangka ih kan luh tik ah.

Sunlawinak tumpi thawn vancung ihsin,
Jesuh rung ṭum suk cu kan hmu ding,
A tleu innpi sung kan um khawm tikah,
Kan theih lo mi hmuah kan thei fiang ding.

KAN TEL VE DING MAW?

A mawi le a tleu ngaingai inn tha a um,
Kan cung sang van ram ah khin;
Tlencia pawl Jesuh thawn an um tlang hmun ding,
Kan um thei ve ding maw?

Kan tel thei ve ding maw?
Kan tel thei ve ding maw?
Tlen cia pawl Jesuh thawn an um tlangnak ah,
Kan tel thei ve ding maw?

Puanvar ngai sin in sui kotthler zin tluanah,
Mero um lo hmun ram ah;
Pathian dawtnak tleu var hmaiah an leeng ding,
Kan tel thei ve ding maw?

In duhdawttu bik ruuntu kan ton tik ah,
A thu ngai in kan thlun ding;
A fa hniangpawl a inn ah a khawm tik ah,
Kan tel ve hrim hrim ding.

Thinglamtah kan beunak hmun a si ahcun,
Thisen luang hmunah feh in;
Lungawi zetin nehnak hla kan sak tlang ding,
Kan tel ve hrimhrim ding.

KAN SUAL NINGHANNAK TUARTU

Kan sual ninghannak tuartu khi,
Rualṭha bik Jesuh a si;
Kan duhmi hmuah Pathian hnenah,
Thlacam in Bawipa ngen uh;
Thlangamnak khi kan el ṭheu maw,
Aw vansang in kan tuar maw;
Kan duhmi hmuah Pathian hnenah,
Thlacam in Bawipa ngen uh.

Sual forhnak tuar in kan hnang maw,
Hi bang rethei dang um maw;
Thinlung siatnak umlo te in,
Thlacam in Bawipa naih uh;
Kan ninghan tuar pitu dingah,
Rual remṭha dang an um maw;
Kan zeizongza Jesuh theih in,
Thlacam in a hnen naih uh.

Thazaang nem mi kan si cio maw,
Kan thil kha a rit tikah;
Thlangamnak khi kan duh cio maw,
Thlacam in Bawipa naih uh;
Kan hawi ṭha’n in hnong hmanseh la,
Pathian Bawi hnen thlacam uh;
A ṭangah in pom in cawi ding,
Thlangamnak kha kan ngah ding.

KAN SIANGPAHRANG THANGṬHAT SINSIN UH

Ziangkim uk tu a cungnung bik mangbawi Tho in thangṭhat,
Tho in thangṭhat; A ke hram ah kuun in thangṭhat uh si,
Thang ṭhat in sunloih sin uh.

Tlen cia mi’n sang sin ah, nan lom nak awnmawi thawn,
Ring sin in au uh,Thang sin seh mangbawi,
A thlum nak khawruah har A sun lawi nak sang in
Mangbawi thangṭhat sin sin uh.

A tiam bangkim a cungnung bik mangbawi Tho in thangṭhat,
Tho in thangṭhat; Zah tlak mi cak zohman tai rual lo in,
Thang ṭhat in sunloih sin uh.

Athiang a hmui a cungnung bik mangbawi Tho in thangṭhat,
Tho in thangṭhat; Lei mi phun kim lungawi in ra cio uh,
Thang ṭhat in sunloih sin uh.

‘Thianghlim’ a hmin a cungnung bik mangbawi tho in thangṭhat,
Tho in thangthat; Van le lei mi’n a hnaṭuan thangṭhat uh,
Thangṭhat in sunloih sin uh.

KAN RAMIH PATHIAN

Kan ramih Pathian kan rin dan hi,
Hlan Juda pawl rin dan bangin;
Danih thiamco tumtu an tam,
Zangfahnak cu nan tluksan zo si.

Theihnak hna nei mi hmuahin thei uh,
Kan Lal Pathian lung tum thutak hi;
Thatnak le felnak ruangah si lo,
A zangfahnak ruangih ruundam kan si.

Nan felnak in farasi pawl le,
Ca ngantu pawl felnak a lan lo cun;
Vanramah zohman nan lut lo ding”
Kan Bawipa Jesuh-in a ti.

Mai ṭhatnak le felnak suangtu cu,
Zangfahnak ni thla a liam cun;
Ka tling lo a poi, a poi e,
Kan hrang khua a tlai zo an ti ding.

KAN RAM MIPI ṬULMI

Kan ram mipi tulmi kristian sungkua,
Bawipa’n a hawl a ram hrangah;
Hmaisa bikah nu le pa in thu-awi nunin,
Fanau cawntlak nun thianhlim lamzin sial uhsi.

Nan run inn hi ziangso a si,
Inn hi biak inn lakih biak inn;
Ramsung khawsungih hmunpi a si,
Inn sungsang nun a thianhlim cun,
Kan ram Khrih hrang a parsuak ve ding.

Tui’ ni ih ka lo pekmi thu pawl hi,
Nan thinlungah um camcinseh;
Nan to nan fehlai le nan ih nan thawh caanah,
Fanau cawn tlak nun thianhlim lamzin sial uhsi.

Kan fale nun zirh theih an si laiah,
Dimdawih lo in nun zirh cio uh;
Seol-ih ta an nunnak cu ruunsuak zang uh,
Kan lal lukhum le kan ropitnak fale tla.

KAN RAM KA RUAHAH

Kan ram ka ruahah riahsia in ka ṭap ṭheu,
Nitinten zianghman theilo in thlanmual an liam ding cu;
Ka nunnak in a tlin lo ziang ruah ding ka thiamlo,
Thlarau Thianghlim bomnak kan ṭul e nang tello cun.

Ka nun khalah ka thih khalah, Bawipai' ta ka si ko,
Na duhnak a si ahcun an hrang raithawinak ah;
Ka thisen le ka pumsa pe ko-ning biakṭheng ah,
An luatnak a si ahcun ka lung a awi e.

Nitin ka ruat ṭheu ka sim ka sim ko nan,
Ka lungthin hin a ban lo maw an theithiam si lo ee;
Ka hmurka hi maw Bawipa na hmurka siter aw,
Ka kut hi thlarau kut siter aw an hrangahcun.

Bawipai' ram hrangah ka thih le thih ti in,
Nunnak pe in tampi an liam, thlarau hlo pawl hruaiin;
Pathian hnen an thukam bang an nunnak an pe zo,
A ṭul cun kan pe hrih ko ding maw, an thlarau hrang.

KAN RAM HI LUNGSIAT ṬAHNAK IN

Kan ram hi lungsiat ṭahnak in a khat e,
Zohman ram le hnam an duhdaw lo;
Duhdawtnak le Lai nunmawi an hlo ruahro,
Sersiamtui' thinlungah ziang bang maw?

Maw Bawipa Lairam hi a tharin dinsal la,
A sungah Laimi na Isarel thar;
Lungawite'n kan lam ding,
Hnangamte'n kan leng ding;
Lairam Zion-ah Bawipa ding law.

Kan Lairam Eden thar Laimi lennak ram,
Hnam dang cun ik takah an ruat maw;
Sihmanseh kei cun ka ngaina kan ram hi,
Israel hnam thar kan zalennak.

Duhdawtnak le zaangfahnak cu hlo hmanseh,
Vawi sarih hmun sawmsarih liam hnu;
Tungding theitu kumkhua kan Puithiam Bawipa,
Lai ram hi nehnak thawn in hruai aw.

KAN RAM DUH DAWTTU BAWIPA

Kan ram duh dawttu Bawipa,
Man lo in Thuthangṭha in pe;
Caan saupi sung kan phuang lo,
Bawipa in ngai thiam hram aw.

Kan ṭuan ding, Thuthangṭha sim hi,
Man lo in phuang suak dingah;
Leitlun hmuahhmuah hi,
Bawipai' ram a si hlan tiang

Thlir uh law, lo kha cuan uh,
Khawm dingin fang thar an cu zo;
Nan favah kha rak keng in,
Bawipai' hrang a tu ṭuan uh.

Leitlun hmuah Bawipai' hrangah,
Kan neh hlan lo ṭuan vivo in;
Thlacam le thil peknak in,
Bawipai' ram nuam din phah in.

Tho uh law Krifa pawl tla,
Nehnak sunglawi kan ngah cing ding;
Kan Pathian hmin in puan zar,
Kan zar ding hih leitlun ah.

KAN PATHIAN IH ṬHATNAK

Kan Pathian ih ṭhatnak le duhdawt zangfahnak tumzia,
Kannih inn sungsang hin kan dawng hleice e;
Nunnak, damnak in pe ih sumpai sinfen inn le lo.,
Duhdawttu rualṭha tinkimin in pe.

Kan lung a awi kan Pathian lungawi thu kan lo sim e,
Kan ti thei tawk raithawinak na hnen kan hlan;
Kan dinhmun in khaisangtu Pathian nung kan neihmi;
Thlah siang hlang nge kan nun lam in hruai tu hi.

Thleidan neilo Pathian cun thlawsuah co ter in siangih,
Phu lo tlaklo lei hlawnthil ṭha in pek hi;
In pekmi thlawsuah parah tlanlen thiamdan in zirh aw,
Kan neihmi parah nang thu neitu si aw.

Kan Pathian na ṭhatnak hi kan insungsangah a lang,
Ziangkim in pe tu na hnenah kan lungawi;
Furcaanah beunak inn nuam kan ṭulmi tinkim in pe,
In duhdawttu Bawi na hmin sunglawi sinseh.

KAN PATHIAN IH A SINAK

Kan Pathian ih a sinak hmu le a thei fiangtu cun,

Rinsan lo le biak lo in an um theilo;

A mai baan thacak hmangin ruundamnak cu a tuah ih,

A mi pawl cusal sung in a phawrh suak.

Ka zum mi ka thei ka biak mi ka thei,

Alfa le Omega a cak Pathian;

Damlai ni a liam hlan ih ka suan ding neih sun cu,

Ka zummi kumkhua Pathian lawng a si.

Anih cun ti finriat ti nel rawn ah a caan ter ih,

A mi pawl cu him dam ten a hruai suak ih;

Vanim sa le mana sang in a cawm lungpi ti thawn,

Remruat tu Jehovah Jereh Pathian.

A thil ti theinak maksak, tipi-sen a vuak catih,

A cahnak in Jeriko a cim terih;

Tih hlah uh kei nan Pathian, a lo ruundamtu ka si,

Ka vorh lam kutin ka lo hruai a ti.

Thabang ih a cau mi pawl an thazang a tlungter ih,

Mupi fano cawi bangin inpom incawi;

Nunak tiva ah inhruai, hramhring lakah in bawhter,

In cawi ih inhruai, inzirh incak ter.

KAN PA PATHIAN IN DUHNAK CU

Kan pa Pathian in duhnak cu,
Siar cawklo in a tam;
Misual kan si in duhnak cu,
Pathian fahniang in ti.

Ngai uh in duhnak ṭhat zia,
In duhdawtnak a sunlawi zia;
Fapa tiangin pek cu,
(Pathian fahniang in ti ding)2

A man khung thi a thlet mi in,
Amah khi kan naih sin;
A duhnun zia pomtlak in hmu,
Pathian ṭangah kan um.

Sunglawi ngai in kan um cing ding,
Atu a lang hrihlo;
A cungnung Bawi kan hmuh tikah,
Amah bang kan si ding.

Cutluk sunglawi mi ruahsan in,
Mithiang kan si ve ding;
Thihnak in tho Bawipa bangin,
A hmai kan hmu cing ding.

KAN NUNNAK PATHIAN

Kumkhua in kan nun nak Pathian na si,
Nangmah kan zum; Thih nak sung ah kum tam leeng in na um,
Bawmtu na si, Zingtin te in ni a suah leh tiang in,
Bawipa, na zangfah nak kan hmu camcin.

Kumkhua nung mi Pathian na kut sung ah,
In um ter aw; Kan zum nak in Khanan ram thleng ding ah,
Lam in hruai aw, Nangmai hu thawm in thim nak tleu ter aw,
Kan mit hmuh nak kha run thiang ter hram aw.

Feh nak thei lo, in hmai lam caan sung ah,
Nangmah kan thlun; Bawipa kanmah lawng in taan siang hram hlah,
Nangmah kan thlun, Nitin kan nunnak ding sang va si aw,
Nun nak thar nei ding na hnen ih hruai aw.

KAN NUNNAK HI PANGPAR VEK A SI

Kan nunnak hi pangpar vek a si,
Reilote ih ziam ding mi;
Bawipai' ram kauhnak dingah,
Hmang thiamtu cu thlawsuah co mi an si.

Mitthli tla cingih a tuhtu cun,
Lungawi le thanuam in an khawm ding;
Ṭap cingin fangci fehsuahpi hmanseh,
Lungawinak fangtél thawn an tlungsal ding.

Thlahtu umlawn simtu um ding maw,
Simlo in an thei ding maw;
Kan neih kan cahnak hmangin,
Thlarau hlo hawlin feh thlang uhsi.

Tikcu le caan a ṭhatlo ruangah,
Remcannak hi lei uhsi;
Ka thu simtu an umlo cun,
Tualih lungte khal ka auter ding.

KAN NUNNAK CU PANGPAR BANG

Ka nun nak hi pang par bangin,
A rei hlan ah a ziam ding,
Kan zan mang zing khua a van in,
A hlo ral leh sal bang in.

Maw ka thla rau van ah zuangaw,
Leitlun hi na ngai ding maw?
Kumkhua nun nak khaw pi pan aw,
Mi thiang um nak khuapi ah.

A feh cia kan rual duh mi tla,
Lung awi nuam te in an thleng,
Lung awi ai puan nomnak hmuahhi,
Par bang an ziam ral leh si.

Lei tlun nun nak hi ziangbangmaw,
Nat nak le ning han nak lawng,
Sui toh kham vel kim ah an au,
Ruuntu Bawi pa thangthat in.

A sunlawinak tleu le mawi cu,
Ni hnakin a tleu mawi sawn;
Khi sunlawinak hmaiah dingin,
Bawipa Jesuh ka hmu ding.

Ka aw mawi neih mi hmuah hmuah in,
Ka thlen tikah thangthat in,
Thuro bangin zuan thiam ningla,
Ka zuang ding vancung ah khin.

KAN NUNNAK CAAN TAWITE

Kan duh bik mi nunnak hi, A ziam thei thil ri bangin,
Rei lo te ah an ral theu, Ralring aw;
Ni le thla ni tin an liam, Vanduai nak a ra thleng ding,
Kan dam lai ni a liam ding, Ralring aw!

Ralring aw! Ralring aw!
Bawi Jesun a lo kawh lai ah ralring aw!
Sualnak sung na um ah cun, Nun nak lam kha thei lo in,
Na hrang khua a tlai pang ding, Ralring aw!

A mawi rimhmui pangpar tla, A lulh lai par a ziambang,
Maw caan rei na nei lo ding, Ralring aw;
Thlarau thianghlim sawm laiah, Ngaisang lo in va um hlah,
Hlohralnak na thleng pang ding, Ralring aw!

Ni le thla caan a liam i, Thih le thuthen ni a nai,
Jesui hnenah pum pe in; Ralring aw;
Na nun nak ni a liam i, Na thlarau hlohral hlan ah,
A sunlawizia khi ruat in, Ralring aw!

Sawmnak thu cu ngai thaaw, Bawipai hnenah ra been aw;
Vanmi hmuah an lungawi ding, Ralring aw,
Thimnak sungin ra suak in, Jesuh Krih kha rinsan aw;
Vancung lam cu va thlun aw, Ralring aw!

KAN NO LAI CAANṬHA

Kan no lai caan ṭha cu par bangin a ziam ṭheu,
Lak kirsal theihseh hlan ih kan caan;
Ruundamtu theilo hnenah au pi dingin kan caan ṭha,
An liam zo si maw Bawipa in ngaithiam aw.

Na no laiah a lo tuahtu thei aw,
Na caan ṭha hmuah Lot bangin na hloh pang ding;
Ringzeti'n au vin an sualnak theihter aw,
Mumek aw bangin au aw na cahlai ah.

Kan pi le pu pawl cu, ruundamtu theilo in,
An nunnak cemin thlanmual an liam;
Kirsal thei mi si haiseh Ruunnak thu simsal ka duh,
Caan in mi a hngak si lo maw a poi e.

Felnakih mi tampi a hruai kirsaltu cu,
Vanih arsi bang tlaitluanin an tleu ding;
Ngaihnikuh ka ra cing ding mikip ṭuan man pe dingin,
Kei Alpha le Omega cu ka si e.

KAN MINO SANAH HIN

Kan mino san ah hin, nunnak thar um tik ah,
Bawipa rung um kan sungah hin, Kan pum nangmah kan pek;
Kan laksawng kha saang aw, Kan nun sung ziaza ah,
Kim ter thiam ding in bawm hram aw; Kan pai’ duhnak bangin.

Nangmai’ duhnak bang in, nun dan tha in zirh aw,
Na lungtum bang in tuan ter aw, Lungawi aipuang te in;
A tum mi hril lo in, A tenau iai lo in,
Tuan ding hmuahhmuah nangmai kut in,Kan ngah thatnak cio in.

Thuthiang in duh ter aw, A mawi a thianghlim mi,
In ruat ter hlah a tha lo mi, Caan tha in hmanter aw,
Raaltha le cah nak in, Neh thei ding in bawm aw;
Thiannak a duh tu mi hmuah in, A ralsan tu um lo.

Khrih Bawi Thiang Thlarau in, Kan nunnak a mawiter,
Nunnak sunglawi co thei dingin, Dawtnak in neiter aw;
A thleng ding kum sungah, Timcia ten in umter,
Kaa hman simthiam lo nunnak tha, Kan Pai’ inn nuam sungah.

KAN LUNG THOTER BAWIPA

Kan lung tho ter Bawipa,
Na thiannak kha langseh,
Mi hmuah hnenah na thawm thangseh;
Mi zapi in thei seh.

Kan lung tho ter Bawipa,
Thlacam kan kuun tikah,
Bawipa rungqum kan nih hnenah:
Thlawsuah nak in pe aw.

Kan lung tho ter Bawipa,
Na hmin qha sunglawi seh,
Na duh nak mi hmuah lung sungah;
Mei bang alh camcin seh.

Kan lung tho ter Bawipa,
Na thu qha sunglawi seh,
Nangmai’thianhlim nak langhngan seh,
Zumnak in langter aw.

KAN KHUA LE KAN RAM HI

Kan khua le kan ram hi sualnak in a khat thlang,
Setan thawnginn sungah tampi an um;
Thlarau sal tang tampi ruunsuaktu an umlo,
Bawipai' hnaṭuan lo in daite'n na um ding maw?

Tho-in ding thlang uhsi caan ṭha kan neih laiah,
Relsiat kan si lonak dingin;
Bawipai' sunlawinak ah kan neih thazang suahin,
Kan ram siatbal hnu hi Bawipa thawn din uhsi.

Leng le val tla tho uh ṭuan caan kan neih lai ah,
Tum-aw-cop Bawipa in hmai in hruai ding;
Ṭihlo le phanglo in hmaiah nawr sin uh si,
Kan lam ṭang Bawipa in kan hmaiin in hruai ding.

Zumtu nang le kei hi Bawipa-in hman in duh,
Bawipai' hman thei dingin nun hlan a ṭul;
Bawipa-in hman theilo mi zokhal a neilo,
Minung hmang lo in Bawipai' kut cak a langlo.

Bawipai' thurin parah ṭhon lo in ding uhsi,
Bawipa-in ti theilomi a neilo;
Jesui' ratsal hlanah thlacamnak thawn ṭuan uh,
Kan ṭuan bangnak hmuah cu Bawipa’n in sam leh ding.

KAN HNGAH KUM THAR

Kan hngah kumthar duhnungza a rung thleng,
Aipuangin zai rem uh si;
Nunhlun ngai a sawt lo,
Kan hmailam thlir uh si.

Thangṭhat in kan lo lawm,
Nang caan le kumthar duhnung;
Leimi hrangah na parmawi phunkim suah law,
Nunhlun kan ngai nawnlonak dingin.

Lungngai lusun fate hrangih liamhnu,
Kumthar caan kan hmuhah hin;
Hrinthar hniang rungsemin,
Ziangkim tharsal lehseh.

Malsawmnak kum tamtak ral hnu hmanah,
Jesuh lainatnak kan nei;
Hnam tin hrang caanmawi tha,
Cerlian ninu a suak.

KAN HMUHMI LE KAN THEIHMI

Kan hmuhmi le kan theihmi thuthup hi,
Leitlun fimnak thiamnak in a ban lo;
Kan pai’ van lam thuthup a si ruangah,
A sunlawi dan sim thiam a har.

Muvanlai bang cung sang sinah,
Buainak le harsatnak tlunah lengin;
Nun hahdam ten bawipa’n in hruai,
Cahnakih ta cahsinnak ah.

Mitcaw pawlin Bawipa Jesuh an hmu,
Hnaset pawlin a thusim mi an thei;
Van lam siar dan hminsin dan an thiam zo,
Pialral nun mawi cotu an si.

Khawvel mi cun neh dingin ral an do,
Ringtu pawl cu nehzonak thu kan phuang;
Kan palmi leiram hmuah Bawipa’n in pe,
Halelujah nehtu kan si.

KAN HIMNAK LUNG JESUH

Kan himnak lung Jesuh a si,
Thlisia a hran ah kan beunak,
Harnak sung in ruuntu a si,
Thlisia a hranah kan beunak.

Maw, rethei mi hrang Jesuh lungpi a si,
Harnak hmun ah kan hrang beunak,
Maw, rethei mi hrang Jesuh lungpi a si,
Thlisia a hran ah kan beunak.

Sun ah daihnem zan ah beunak,
Thlisia a hran ah kan beunak,
Launak umlo ṭihnak umlo,
Thlisia a hran ah kan beunak.

Thlisia zuang in, in dum hmanseh,
Kan beunak cu Jesuh a si,
Himnak hmun ah hruaitu a si,
Thlisia a hran ah kan beunak.

Duhnung lungpi, duhnung beunak,
Thlirsia a hraanah kan beunak,
Kan kiang nai ah, kumkhuan um aw,
Thlisia a hran ah kan beunak.

KAN FEH PHAH IN LUNGAWINAK

Kan feh phah in lungawinak hla sak cio uh si,
A reihlan ah vancung kan thleng ding;
Thimnak hmuah ral in kumkhua in ni a tlang ding,
A reihlan ah vancung kan thleng ding.

A caan rei lo in, a caan rei lo in,
Thihnak tiva kan tan ding;
Thlisia hrannak cem tikah,
Kan tong aw cing ding;
A reihlan ah vancung kan thleng ding.

Kan tonmi hnaṭuan kha zuamnak in ṭuan uh si,
A reihlan ah vancung kan thleng ding;
Pathian zangfahnak thawm in nitin kan him ding,
A reihlan ah vancung kan thleng ding.

A bang mi hrangah lamzin kha remsak uh si,
A reihlan ah vancung kan thleng ding;
Duhnak thinlung kha mi hmuah hnenah nei uhsi,
A reihlan ah vancung kan thleng ding.

Khat lam ral ah thlangamnak le colhnak a um,
A reihlan ah vancung kan thleng ding;
Khi khua ṭha sungah mitthli tlaknak a umlo,
A reihlan ah vancung kan thleng ding.

KAN CAAMNAK HI LEI AH

Kan caamnak hi leiah hin mikhual bangin,
Khaw hmunhnget neilo in um hrih hmanseh;
Kut saklo van inn nuam kan hrang a um,
Kan thleng cing ding catuan ram mawi-ah cun.

Kan van khawpi nuam kan thlen tik cun,
Tuufano le van mi thianghlim pawl thawn;
Thisen ruangah kan co ram mawi-ah cun,
Nuamin kan leng ding, Halelujah.

Kan taksa lei inn leivut sersiam hi,
Siatin ṭawihral hmanseh van taksa-in;
In thleng ding a sang vanah kan zuang ding,
kan hngakhlap e lei ram hi tanta-in.

Catuan Zion khawpi kan pan laiah,
Lam har thabangin kan aihram ṭheu maw!
Colhmun vanram Lal nunnem lennak ram,
Kan thleng cing ding lei ram hi ngai lo in.

KAN BAWIPAI' ṬUM CAAN A NAI

Kan Bawipai' tum caan a nai, leitlunah sualnak a pung,
Zumtu dungtawlh nitinin kan tam sinsin;
Kan Bawipai ninghannak aw zumtu pawlngai cio hmanuh,
Ka fa na lamzin zawhmi zohsal hnik aw.

Kan sualnak hmuahhmuah phuang in,
Bawipai' hnenah kir uhsi;
Thinsau in in hngaktu ah Bawi Jesu in,
Kan hrang ṭha le mawi ih lang;
Setan bumnak sung ih sin,
Kan lamzin zohsalin tu ah kir uh si.

Bawi Jesui’ duhdan hi cu leitlun ziamral mai dingah;
Buai ih kan caan ṭha kan hmangral ding hi cu;
In sianglo kan hrang ṭha sawn, siattheilo vanram ah khin;
Kan ro khawl ding hrangah hin buai uh in ti.

Pathian fa pawl kan nun dan ṭhate in vunruat hmanuh,
Thlacam paihlo, Bible siar paihlo kan tam;
Tisa nomnak lawng ruatin kan caan kan liamter hi cu,
Bawipa’n in sianglo na lamzin zohsal aw.

A rei hlanah suum parin mi piangthar in lawr dingin,
Kan Bawi Jesuh a ṭum ding, a rei lo ding;
Kan um dan fel lo hmuah le, kan thinlung ruahsualnak cu,
Tan in thianhlimnak lamzin ah feh uh si.

KAMSANG ELIJAH

Kamsang Elijah, Karmel tlang parah,
Van ruah dilin Bawipai' hnen thla a cam;
Van sangka ong in vanin ruah a sur,
Thingkung hramkung hring dildel.

Thlarau Thianghlim, maw Thlarau Thianghlim,
Ausal aw kan khua, kan ram, kan tlangah;
Thlarau ruahti kan ngai e,
Kan khua kan ram hring dingah;
Thlarau Thianghlim ausal aw.

Pentikos ni-ah thli le meisa bang,
Vanin Thlarau Thianghlim cu a rung ṭum;
Ṭong tharin an ṭong, Bawipa an thangṭhat,
Nun tharin an leng dialdial.

Thuro bang nunnem, maw Thlarau Thiamhlim,
Kan nunnah thu in sim, in zirhsal aw;
Hnangamnak Thlarau, lungawinak Thlarau,
Na hmin mawi kan lo thangṭhat.

Pathian fa hruaitu, mi aa fimtertu,
Riahsia le beidong ninghang pawl hnemtu;
Thuthup in zirhtu, ralṭhatnak in pe,
Lam in hruai lungawi siam sawn.

KALVARY TLANG LAMAH

Ka thlarau kum rei pi khuathim sung a um,
Bawipa Jesuh lawngin a ruun thei,
A thawmlennak ni bangin a tleu tik ah,
Thimnak cem in i tleu var ter zo.

Ka hrangah a feh Kalvari tlang pan in,
Ka hrang a si, ka hrang a si,
Ka hrangah a feh Kalvary tlang pan in,
Ka sualnak tlen ding ah.

A hmai ah an kuun mi sual mi hmuahhmuah in,
Theih ban lo a zang fah duhdawt nak,
A aw nem te ka thei "Donhar in um hlah,
Na sual lei bat ka sam sak ṭheh zo."

Mangbang za a duhdawt nak i hmu ter zo,
A sun lawi nak van toh kham tan in,
Kalvari tlangah mi sual ruun ding a thi,
Kum khua in a hmin ka thangṭhat ding.

KALVARI THISEN RUANGAH

Kalvari thisen ruangah cun,
Ka sualnak thlahsak ka si zo;
Van mipi khal an lungawi ve,
Ruundamnak cotu ka si zo ruangah.

Aw, nehtu Jesuh rat tikah,
In hruai ding lei harnak tan ta-in;
Ruuntu Bawi Jesuh hnenah,
Cawl lo in thla-in ka zuang ding;
Cau lo in ke-in ka feh ding a hnenah.

Maw a nung kan biak Pathian in,
Ngai hnik uh ka lam ra hawi uh;
Nan hrang ka rem mi khawpi ah,
A lo hruai ding khi Tuufa nunnem in.

Kan Pathian hnen ka thlen tikah,
Thangṭhatnak hla mawi ka sak ding;
Van mipi hmanin sak theilo,
Thisen sunglawi thangṭhat hla ka sak ding.

KALVARI DAMNAK

Eden tluksiatnak ruangah maw
Pathian doral kan si theh zo
Sual ruangah a dangten kan um zo ih
Bawipa Pathian mithmuh ahcun
Se linglet theh damnak um lo
Sual ih khat le tidam tul mi kan si

Kalvary damnak
Aw! Kalvary damnak cu aw mi tinkim
A duhmi hmuah hrang a si
Lei le van Puithiam Bawibik
Bawi Khrih kilvennak ahcun
Na natnak hmuah
Tidam dingin pan zang aw

Mitcaw, kebai, zeng, phar pawl tla
Ramhuai phungzawl dam le zaten
Lei minung thiamnak in a ban lo mi
Famthiamnak le remruat zirnak
Hmangin an mangbang hnu khalah
Tidam thei lo a nei lo Bawi Jesuh

Mi farah le milian pawl tla
Mi phunkip le a duhmi hmuah
Bawi Jesuh tuarsaknak zumtu pawl tla
A lakin damnak kim an hmu
A lakin cotu tla an si
Kan thinlung, kan taksa
Thlarau damnak

Santan ih ti zonzaihnak le
Ramhuai sal hnuai ih kan tannak
Bawi Jesu’n a neh zo na dam theh zo
Cross thilti theinak cu hmangin
Na ralpa satan hnenah cun
Nehnak thu phuang sin aw, Au sin aw

KALVARI AH I HRUAI AW

Nunnak Bawipa ka ta si aw, Thangthatnak nangmai’ ta,
Na hling lukhum hngilh lonak ding, Kalvari ah i hruai aw.

Gethse-ma-ne hngilh lo nak ding,
Na lung kuainak hngilh lo nak ding,
In duh nak ka hngilh lo nak ding,
Kalvari ah i hruai aw.

Na zaunak thlan cu ka hmuh in, Riah sia’n nang kan ṭahnak,
Vancung mi-in puanvar sin in, Nangmah an lo kil- nak.

Khawthim sungah Mari bangin, Nangmah i hmuakter aw,
Na thlan lawng mi i hmuhter in, Kalvari ah i hruaiaw.

Thinglamtah nitin phurh ka duh, Keimai’ lung a awiter,
Na riahsiatnak hlawm ve ka duh, Ka hrangah nang na tuar.

KALVARI AH

Kum tampi ka rak um hngalnak in,
Ka Bawipai’ thihnak ziang reel lo in,
Ka ai ih a thih nak thei lo in, Kalvari ah.

        lian zaangfahnak kha a thlawnin,
        In ngaithiamnak cu a thang sinsin;
        Ka thinlung retheih nak a nuam sin, Kalvari ah.

Pathian thu in ka sualnak a lang,
A thu ka el mi ka thin a phang;
Ka lungsung sualnak ka siir tiangin, Kalvari ah.

A tu'n zei zongza Jesuh ka peek,
Keimai Siangpahrang Bawi-pa a si;
A tu lungawi nak hla ka sak mi, Kalvari ah.

Pathian duhnak in nunnak a um,
Mi hnen thlengtertu zangfahnak cu;
Pathian le misual komnak a um, Kalvari ah.

KALVARI

Kalvari tlang Thinglamtah ah,
Ruuntu Bawipa Jesuh an that,
Ka hrang sunglawi thlet mi a thii,
Khi thii a luang nun- nak a si.

Maw Kalvari, Ning-han nak tlaang,
Khin nah ka hrang a thii thlet mi,
Maw Kalvari, Ninghan nak tlaang,
Ruuntu Bawi thih nak hmun a si.

Lungpi a kuai, thimzing a tlung,
Ruuntu Bawi lu kuun in a thi,
Biak inn puanzar hmuah kha tlek in,
Nunnak lam ṭha hmuhtu a si.

Maw Bawi Je- suh, Hi bang in maw?
Thinglamtah phur ka ai tuar in
Kalvari ah nunnak liam in,
Ka hrang na nun nak a hlo maw?

KALILI HNGILHLONAK

Thuro an um thing sang parah,
Zanlam tik ah lungawi te in,
Pathian thudik a si ti in,
Zangfahnak hmun Kalili ah.

Maw Kalili, nun nuamnak ram,
Jesuh hnaṭuan tam biknak hmun.
Kan ram te hi lungawinak hmun,
Pathian a um, Sunlawi nak ram.

Pangpar um nak Kalili ram,
Vate ai tiangin ngai a nuam,
Pathian thlawsuah a um nak ram,
Hmel hmuhnak hmun Kalili nuam.

Kan ruah tikah ṭihnung ngaingai,
Tilet titho tlun ah a feh,
Bawi Jesuh hnu zul ding kan ngai,
Kan ram Kalilee bang nuamseh.

KAFA BAIBAL SIRHSAN AW

Leitlun nunnak lamzin ih khual na tlawn lai ah,
Na tuah dingah ka duh ngaingai mi thil a um,
Maw ngaihnik, hi ti in thu ka sim tikah,
Baibal thu sirhsan in um aw.

        Baibal thu kha va sirhsan aw,
        Baibal thu kha va sirhsan aw,
        Thih le nun ah siseh Baibal sirh-san aw,
        Baibal thu kha va sirhsan aw.

Ninghan mitthli tlak nak le vansiat ton hman ah,
Kum reipi sualnak Satan raal na do hman ah,
Ṭih lo in Khrih thawngin nan raal kha do uh,
Baibal thu sirhsan in um aw.

Pathian kha na zum ah cun cah nak na nei ding,
Thinglamtah na hmuitin ah cun na hlo lo ding,
Na khual tlawn phah in thangṭhat nak hla sak aw.
Baibal thu sirhsan in um aw.

Baibal cu ruahsannak hram le tleunak a si,
Khawthim hmunah hruaitu tha arsi tleu a si,
A hruainak na thlunah cun hlohnak um lo,
Baibal in lam ṭha a hmuh zo.

KAA IN SIM CAWK LO

Jesu’n keimah i duh ngaingai,
Thinglam - tah cungah a thi i;
Keimah tlen ding a duh ngaingai,
Kaa in sim cawk lo mi.

In duh nak kaa in sim cawk lo,
In duh nak kaa in sim cawk lo,
Keimah tlen ding a duh ngaingai,
Kaa in sim cawk lo mi.

Kei-mah lu nunnak pek dingah,
Ninghan riahsiatnak tiang tuar in;
Hling lukhuh an khum a lu ah,
Kaa in sim cawk lo mi.

Pathian toh kham i naih ter i,
Lungawi nak Jesuh hnenah um;
A thisen sunglawi thlet mi cu,
Kaa in sim cawk lo mi.

Bawipa nai tikah lung a nuam,
Thinphannak um lo in a nuam;
Zumnak thinlung fek i pek i,
Kaa in sim cawk lo mi.

KA ZUM NGAINGAI

Donhar nak hmuah Jesuh pek ning,
A thukam bangin ka zum;
Sualnak lam ka thlun nawn lo ding,
A thukam bangin ka zum.

Amah ka zum, ka zum ngaingai,
A thukam bang in ka zum;
Amah ka zum, ka zum ngaingai,
A thukam bang in ka zum.

Ka sualnak Jesuh hnen ṭhum ding,
In tlengfai a thii thiangin,
Keimah i thianhlimter hnu in,
Inn nuam sungah i hruai ding.

Ṭih phannak Jesuh hnen pek ding,
Thlarau thlangamnak sungah;
Ka feh nak lam a thim hmanah,
Tleu vaarnak a maw lo ding.

Nunnomnak Jesuh hnen ka pek,
Ruahsannak Amai’ hnenah;
Lei tlun uktu Bawipai’ hnenah,
Ka duh mi hmuah in a kim.

Zeizongza Jesuh pek ka duh,
Ka pum le ka thlarau tiang,
Ka neih mi le ngah ding hmuah tiang,
A kumkhua in pek ka duh.