MAW SIANGPAHRANG IN HRUAI AW

Maw Siangpahrang in hruai aw, Hmai nawrnak caan a-si,
Neh-nak hmun tiang in hruai aw, Na thlam kan inn a-si,
Caansau pi raalrin nak in, In cak ter na thawm in,
Tu in Siangpa hrang Bawipa, Raal-neh nak hla kan sa.

Maw Siangpahrang in hruai aw, Sual ral do cem tiangin,
Na thianhlimzia in sim aw, "Remnak Amen" ti in,
Raalnam hman nak si lo in, Khuangtum ri thawng tel lo in,
Zangfah dawtnak thaw lawng in, Pathian uknak thleng ding.

Maw Siangpahrang in hruai aw, ṭih lo in kan thlun ding,
Na hmai kan hmuh nak kipah, Lungawi nak a um ding,
Na thinglamtah kan hmai ah, A tleu thlun in kan feh;
Nehnak lukhuh hngakin feh, Pathian thawng in hruai aw.

MAW RUUNTU BAWIPA

Maw ruuntu Bawipa, i hrial hlah,
Ka kawhnak aw ngai;
Midang hmuahhmuah na kawh tikah,
I run hrial ve hlah.

Ruuntu Bawipa ka kawhnak aw ngai,
Mi dang hmuahhmuah na kawh tikah;
I run hrial ve hlah.

Na zangfahnak tohkham kiangah,
Lung daihnak hmu in;
Khuk bil in thla ka cam tikah,
In zangfah hram aw.

Na ṭhatnak lawng khi rinsan in,
Na hmai hmuh ka duh;
Thlarau lungsia mi dam ter in,
Sual thiannak kan duh.

Thlangam tertu cerhti na si,
Nunnak a sunglawi;
Leitlun hmanah hnemtu na si,

MAW RUALṬHA U LE NAU TLA

Maw rualṭha u le nau tla, thihnak thawi nan karlak cu,
Karkhat te lawng a si na thei fiang maw;
Thihnak thlanthim leh kumkhua meilipi in a lo hngak,
Apoi e Jesuh lawi thlanthim thlen ding cu.

Tu hi zangfahnak caan ruundam ni a si,
Sawmnak aw nem na theih lai ah lung hak hlah;
Ruuntu’n thin sau ih a lo hngahlai ah hin run pan aw,
Khua a tlai cun sirawk man um nawn lo ding.

Pai’ caan a liam zo ih, Fapa caan khal a liam,
Thlarau Thianghlim sawmnak caanṭha khal hi;
A liam cing ding na nunnak na caan ṭha khal a liam ding,
Na fiang maw nunnak Jesuh na nei zo maw?

Maw ka duhdawt nu le pa, na dinhmun zoh fiangsal hman,
Na catuan hmun ding na fiang zo maw?
Piangthar kor sang cop, hnukcah zawngih hlih saksal ngmi,
Na si sual ahcun a poi a poi tuk e.

MAW RUALDUH U LE NAU

Maw rualduh u le nau kan ram le kan hnam hi,
Tlangsang parin cuan hman, sualnak phunkim a khat,
Ruundamtu theilo in nomnak phunkim an tuah;
Leitlun caan cemnak ding hi an theilo.

Fang at ding an thar zo, nang itthat, tu tho aw,
Bawipai' lo sungah `uantu an umlo;
Siarcawklo mi tampi thihnak thlanmual an liam,
Fang thar attu ding khui ah nang na um.

Jesu Khrih neitu pawl daithlangin um hlah uh,
Kan Bawipa Jesuh in hi ti in thu a sim;
Nannih in fang atnak thla li a duh nan ti,
Thlirin cuan uh fang at ding an thar zo.

Bawi Jesu’n an hnenah hitin thu a sim,
I fialtui duhzawng le a hna`uan theh ding hi;
Ka rawl a si a ti, Bawipai' hna`uan dingah,
Leng le val rualtla atu tho uhsi.

Bawipai' hna`uan dingah nang ziang in a lo dawn,
Inn leh lo nu le pa ka hmin ih tantu cu;
A let a za malsawmnak an hmu ding a ti,
Feh uhsi ruundamnak thu phuang dingah.

MAW RUALDUH TLA

Maw rualduh tla khui lamzin nan feh ding?
Ziangruangah maw thihnak lam cu na pan?
A lo ruuntu Bawi-in kumkhaw nunnak cu a lo pe,
Na thlun ve lo ding maw?

Ra kirsal aw rualṭha Bawipai' hnenah,
Ka hnenih ra zo hman ka hnong dah lo;
Zokhal ka aw thei ih sangka i ontui' hnenah cun,
Ka lut ding, Amah thawn zanriah kan ei tlang ding.

Kan sualnak cu sendup bang sen hmanseh,
Tuu hmul bang keimah in ka varter ding;
Nan sualnak cu mero le suum sah bangin um hmanseh,
Ka hlon thluh zo a ti.

I ruuntu Bawipai' hna ka ṭuan thlang ding,
Zangfahnak caan sunglawi a liam hlanah;
Sual thim sungih hlotu kei ka hrangah luatnak a si,
Thisen sunglawi thletmi.

MAW PATHIAN, NANG VEEL NEI BIK

Maw Pathian nang veel nei bik, Duhnak kim in nei tu,
Na thlawsuahnak sunglawi bik, An hnen ah thlenter aw;
Na lennak thu ruat tlang in, Na thlawsuah hmu ter aw;
Thih tiang umtlang khat ding in, An thukam fekter aw.

Leitlun na um lai ah khan, Kana khua na thleng i,
Kutsih nak puai na lom pi, Cabitti na zai ter;
A tu an kutsih nak hi, Thlawsuah in malsawm aw;
An duh nak kha karhter aw, Na hmin upatnak khan.

Nangmah kha rinsan ding in, Maw Pathian run bawm aw,
Ninghan harnak an tuar in, Nang in run umpi aw.
An nunnak ni kha liam in, Leitlun fehsan hman seh,
A kumkhua umtlaang ding in, Na inn ah hruai khawm aw.

MAW NANG ITTHAT ATU MENG AW

Maw nang itthat atu meng aw,
Mithi lakih ta thovin;
Hi leitlun thil um daan hi thlir thiamin,
Bawipai' hnaṭuan a tu thok thlang uhsi.

Khrih ralkap, a tu tho thlang aw,
Pathian ralthuam famkim cu la-in;
Kan u kan nau nun neilo mi,
Nunnak lamzinih hruaitu kan si.

Tho-in eng aw na eng a thleng,
Thim in lei hi a khuh ding si;
Bawipai' rat caan zohman in kan theilo,
Hmanseh hminsinnak hmuah a kim ṭheh zo si.

Thim lal hnuaiah mi thawng tampi,
Hremhmun lam panin an liam zo;
Tu-ih a nung dam mi vialte tal hi,
Vanram nuam lamzin thu kan sim thlang ding.

Kan Lalpa hi a thutiam ah,
A muang ti in ruat hlah uh;
Zohman hloral lawn nunnak nei dingah,
Zangfahnak caan sunglawi in on hraam a si.

MAW MISUAL TU AH

Maw misual tu ah khui ah so na um?
Na nunnak ni le thla a liam hlan ah;
Leitlun parmawinak cen in muang cang hlah,
Thihnak le hlohralnak na thleng pang ding.

Na piangthar ding a si, caan ṭha na neih lai ah,
Ruuntu Bawi Jesu’n a tu a lo hngak;
Na si bangin Amah cu pan mai aw,
Na sualnak hmuah in a lo ngai dam ding.

Maw misual caan sunglawi na neih lai ah,
Zam rang in pan aw khua na tlai pang ding;
Nehhnu ah titu pawl ṭahnak hla cu,
Nazaret Bawi Jesuh a feh liam zo.

Tu hi lungawi caan Ruunnak ni a si,
Zaangfahnak ni sunglawi hi hawi san hlah;
Tu ah run dingin a lo hngak cam cin,
Maw misual run pan aw Bawi Jesuh Khrih.

MAW LUNGAWINAK THU

Maw lungawinak thu ngai uh, khawza kipah than uh,
An thahmi Jesuh thawng in Ruunnak Thuthangṭha cu;
Pathian thuṭha kumkhua in a thukam bang a hmun,
Rinnak in Jesuh zohtu’n amai hmin in ko uh.

Ruuntu Jesuh hnenah thla a camtu hmuah in,
A hmin kotu hmuah in Ruunnak kha an ngah ding;
Ruuntu Jesuh hnenah thla a camtu hmuah in,
A hmin kotu hmuah in Ruunnak kha an ngah ding.

Khawthim sung ih a um misualnak lam a tlun mi,
Zangfah tleunak kha zoh uh, Pathian Tuufa zoh uh;
Nan thinlung hmuah in zum uh, a thukam bang a hmun,
Amai hmin ko tu hmuah in hlohralnak a umlo.

Thil rit phurin a baang mi, retheihnak a tuarmi,
Nan thilrit kha sawng dingin nangmah tong ding hngakin,
Mi zapi in an duh mi laksawng man har pekmi,
Amai hmin kotu hmuah in Amah zumtu an si.

MAW LUNGAWI NI

Maw lungawi ni ka duh bik ni,
Ruuntu Bawipa ka cohlang ni;
Atu keimah lungawi te in,
Sim ka duh mi zakip theih in.

Lungawi ni, lungawi ni,
Jesu’n ka sual a tlengfai ni;
Thlacam in hngak uh ti’n in zirh,
Nitin te'n lungawinak in sim;
Lungawi ni, lungawi ni,
Jesu’n ka sual a tlengfai ni.

A hnaṭuan lianpi a ṭheh zo,
Keimah Bawi Jesuh ta ka si;
Ka hnenah ra nem te’n in ko,
A aw ka thei i thlun a ti.

Ka lung retheihnak a daiter,
Thlawsuah nomnak in a khatter;
Amah thawn kumkhua um ka duh,
I ṭhen lo in ka hnen umseh.

A thei ka thukam mi bangin,
Hi thukam nitin a fek ter;
Nunnak caan a cem hlan tiangin,
Amah thangṭhat in ka lawm ding.

MAW LUNGAWI COLH NI

Maw lungawi le colhnak ni, Thangṭhat le tleunak ni;
Ninghan khawruahhar dam nak, Mawi bik le tleu-bik ni,
Mi-lian fa rah ti lo in, Pa, Fa, Thla-rau hminin,
‘‘Thiangbik, thiangbik,thiangbik’’ ti’n, Thangṭhat nak hla an sak.

Maw lung-awi le colh-nak ni, Tleu-nak thoktu na si,
Ruuntu Bawi thawh ni a si, Kan lungawi ni na si;
Bawipa in thihnak neh in, Thlarau ṭum ni a si,
Hi sun lawi nak ni ah hin, Phunthum tleu nak a pek.

Thla-rau rilrawng mi hrangah, Van in manna tlak ter,
A thiang mi khawmnak `hmunah, Mu-meek in a ko ter;
Hi tin Pathian Thuthangṭha, A tleu-nak hmunkip ah,
Nun-nak ti-va a luan ter, Kan thlarau a nun ter.

Lungawi le colh ni-ah hin, Thlawsuahnak thar hmu-in,
Nithar dang kan thlen hnu-in, Lungawinak a cem lo,
Lungawi le colh ni thar-in, A suah leh sal tiangin,
Pa, Fapa, le Thiang Thlarau, Thangṭhatnak um hram seh.

MAW KHUA FATE BETHLEHEM

Maw khua fate nang Bethlehem,
Dai te in na um maw!
Na ruah lo sung ah na tlun in,
Daite in ar si an liam,
A thim mi na lam tlun ah,
Kumkhua tleunak atlang,
Kumkhua ṭih mi le ruahsannak,
An tong aw na hnenah.

Mari sungin Jesuh a suak,
Vanmi hmuah in an hmuak;
Mi an ih lai ah van mi in,
Dawtnak in an run thlir i,
Van arsi tla hmunkhat in,
Nauhniang suak mi than uh,
Pathian Bawi cu thangṭhat cio uh,
Lei ah remnak leeng seh.

Laksawng ṭhabik cu dai te in,
Kan hnenah peek a si;
Thlawsuah ṭhabik Pathian hnen in,
Mi hmuah hnenah pek a si,
Hi leitlun sualnak ramah,
A thlen lai thei lo in,
Lungthin nem mi hmuahhmuah sungah,
Jesuh um dawtnak in.

A thiang mi Bethlehem naute,
Rungṭum aw kan hnenah,
Sualnak hnongin kan sungah um,
Seem saal aw kan sungah;
Kan thei Krismas lungawi thu,
Vancung mi in an reel,
Atu ah ra kan hnenah um,
Kan Bawi Emmanuel.

MAW JESUH THU KA LO KAM

Bawipa na hnatuan ding in, Nunsung thukam nei in;
Kum khuan ka hnenah um aw, Ka hawi tha le Bawipa,
Raal do hman ka tih lo ding, Ka sir na din ah cun,
Lam palh nak a um lo ding, Bawipai’ i hruai ah cun.

Leitlun ka nunsung hmuah in, Keimah nai ah um aw,
Sualforh nak ka theih hnu in, Ka hmuhnak tleu ter aw;
Raal in i naih kumkhua in, Ka kiang le lung sung in,
Jesuh kei i naih hram aw, Ka thlarau him ter aw.

Na aw fiang kan theih tikah, Na thu in thei ter aw,
Mai’ pum duhnak tam hman seh, Thinsau nak tam sin seh,
Thinsia kha suup thei dingah, Thlangam nak in tiam aw,
Ka thlarau kil tu na si, Nangmai’ thu ngai ka duh.

MAW JERUSALEM FANU

Maw Jerusalem fanu,
Ka ngaizawng khi nan tonah cun;
Na zunin a uai ti-in biathu hlan uh.

Keimah lo in a um thiamlo maw kan Pathian,
Keimah hawlin caw kuang tiangin a thleng maw,
Edenih nunnak hlo hnu kha,
In hmu leh zo Fapa Khrih ah.

Pathianih in duhdawtnak,
Hi lei thilah tahnak umlo;
Lei le van tong khalin an phuang cawk lo ve.

Duhdawtu Pathian thinlung,
Ziangtlukin ná in kuai hen maw;
A ṭha dang nei in tang dang kan lawisan cu.

Lei Edenah Pathian thawn,
Thennak thu cu thang hmansehla;
Lungawinak thu a thang zo van Edenah.

MAW JEHOVAH KEI I HRUAI AW

Maw Jehovah kei i hruaiaw,
Ram car khual ka tlawn laiah,
Nang mi cak kei thazaang nei lo,
Na baan cak in i kai aw.
Vancung sangin khop ko in kei i cawm aw.
Vancung sangin khop ko in kei i cawm aw.

Dam nak ti thianghlimsuak teraw,
Cerhti thiangluan nak hmunah,
Har nak lak leh buainak sungih,
Khual ka tlawnlai i hruaiaw.
Rin tlak humtu, ka thazaang i cak ter aw.
Rin tlak humtu, ka thazaang i cak ter aw.

Jordan ti va ka tan tikah,
Ka ṭih phan nak dai teraw,
Ti lian lakah kei i cawi aw,
Him ten Kanaan i thlen ter.
Nangmah thangṭhatnak hla ka sak camcin ding.
Nangmah thangṭhatnak hla ka sak camcin ding.

MAW IN RUUNTU KA BAWIPA

Maw in ruuntu ka Bawipa aw,
Kei hrang thii na thlet maw;
Santlai lo kei ruangah hin maw,
Lu hloh tiang na tuar maw.

Keimai nunsual palh ruangah maw,
Thinglamtah ah ai maw;
Cu bangin zangfahnak thu cu,
Sim cawk lo dawtnak cu.

Leitlun mi hmuah sual ruang ah maw,
Jesu’n thihnak a tuar;
A thinglamtah ka hmuh tikah,
Ningzak in hmai ka hup.

Ninghan mitthli’n sam theilo mi,
In duhnak leiba cu;
Pumpeek hmanah sam cawk lo mi,
A dai lo duhnak cu.

MAW CUNGNUNG BIK BAWIPA

Maw cung nung bik, Bawi pa nang kan lo thang that,
A nung mi Pathian ziangkim ti thei na si;
Nauta vak vai le mi sual ih rual na si,
Fa rah le rethei le fa rah le re thei;
le fa rah le re thei mi Bawi pa le Pathian.

Thla cam nak saangtu Bawipa na si bang in,
Na mi tla an ma mawh an dil mi na pek;
Na fa te tah nak le ai hram nak na thei,
Thu dik tan thil tha ti thu dik tan thil tha;
ti thu dik tan thil tha ti, Nang na dung tun lo.

Hi thu mi lian le fa rah mi theih ter in,
Mi kip nangmah a dodal tu mi hnen ah;
A tu run mi kan si ve thei nak ding ah,
Kan nih ziang kan tuah ding, Kan nih ziang kan tuahding?
Kan nih ziang kan tuah ding, ti cio seh, A men!

Miphun hmuah in sal suahnak cu lawm cio uh,
Cungnung bikin Pathian cu sunglawi ko seh;
Leitlun ih a lom mi hnenah remleeng seh;
Hosana, Hosana, tiin hlasak seh.

Mi hmuah hnenah na hmin thiang tihzah tlak seh,
Vancung uknak, sunlawinak cu thleng hram seh;
Vancung mi’n an tuah bangin leitlun mi in,
Na lungduh tuah cio seh, ramkip ah Amen!

MAW BAWIPA THLEIDAN NEILO

Maw Bawipa thleidan neilo,
Kei misual duhdawttu cu;
Fimthiamnak neilo te khal duhdawttu,
Mifim pawl an au lo cun,
Lungte kei ka au sawn ding;
Thlarau fimnak-in in thuam hram aw.

Rosunglawi ka sar suak, cuai theilo mi,
Leitlun mi’n an theilo ro sunglawi;
Lei nomnak zu leh sual ih thi dingmi in ruunsuak ih,
Ka lungawi maw Bawipa Halelujah.

Lungawi ten ka feh lai ah,
Leitlunah au kirsal-aw;
Setan thawng innsung tangmi an tam si,
In ruun uh, in ruun zang uh;
Tiin an authawm ka thei,
Daite-in kan umsan thei ding maw?

Kei lungmawl thiamnak neilo,
Na hnaṭuan dingin kawh hi;
Ka tling lo maw Bawipa kei ka tling lo,
Hmanseh infial mi hmuah cu;
Ka ṭuan ding lungawi te-in,
Thlarau Thianghlim-in mal in sawm aw.

MAW BAWIPA KAN LO ṬUL

Maw Bawipa, nang kan lo ṭul e,
Kan ram mipi in hruaitu-ah;
Zirhnak diklo le bumnakin,
Kan ram zumtu thinlung a luah khat thlang.

Khua cuanin thlir uh zumtu pawl,
Lamzin hlun zirhnak dik thlunin;
Bawipai' ram hrangah ṭuan uhsi,
A thu cu Bawipa-in mal a sawm ṭheu.

Pathian thu cu meisa bang le,
Sobul vainam kaphnih hriam bang;
Ruh le thlik tiang a phel thluh thei,
Cui thutak hmangtu cun nehnak an co.

Na hmaiah thihnak le nunnak,
Malsawmnak le camsiatnak zin;
Ka ret ti in Bawipa’n in sim,
Lamzin hlun malsawmnak cu thlun uhsi.

MAW BAWIPA IN HRUAI AW

Ka lam zin ṭih nung ah, In naih aw ka hnen ah,
Thihnak in inaih Bawipa;
Ka thla cam in ngai aw, Ka ril ding in bawmaw,
Na inn ah in hruaiaw maw, Bawipa.

Sun ni a tlak hnu in, Khua a thim sin sin ih,
Zanthim in incim ṭhehzo;
Runkap ah ka ding zo, Inkai in in hruaiaw,
Na inn ah in hruaiaw maw, Bawipa.

Khual tlawn caan a cem zik, Maw Bawipa in hruai aw,
In cak ter hramaw Bawipa;
Na ta ka si ṭheh zo, Keimah lawng si nawn lo,
Na inn ah in hruaiaw maw, Bawipa.

MAW BAWIPA I THIANGHLIMTER AW

Maw Bawi pa i thiang hlim ter aw,
Ka thinlung sung um hmuah hi;
Ka thinlung sung um hmuah hi; nak si seh.
Nang mah thang that nak si seh.
Ka cah nak le talent hmuahin,
Nangmah thang that Ka lamtluan in ka lam tluanin,
Hlo ral lo in i hruai aw. Hlo ral lo in i hruai aw.

Nang mah in kei i humhimthei,
Lam harnak ah, hlo lo in;
Lam harnak ah hlo lo in; i hiip theu.
Ziang hman lo in i hiip theu.
Vorhlam in maw, keh lam in maw?
Zianghman lo in Maw sunglawi bik maw sunglawi bik,
I hum him in i hruai aw. I hum him in i hruai aw.

Na zia za thatnak le mawinak,
Nang mah sunloih tu hmuah kha;
Nang mah sunloih tu hmuah in; theu ding ah.
Nun nak mawi rah thei ding ah.
Ka thin lung ah tuh ve hram aw,
Nun nak mawi rah Pang par bangin pangpar bang in,
Ka nun zia hi mawi ter aw. Ka nunzia hi mawi ter aw.

MAW BAWIPA I RUN NGAI AW

Maw Bawipa run ngai aw,
Nangmai’ kiang nai ah;
Ka leiba sam ding ah,
Kei hrang na thi zo;
Na hminṭha ka zum bangin,
Sual thlahnak kha ka hmu zo;
Keimai himnak ding ah,
I naihter sin aw.

Maw Bawipa run ngai aw,
Thla ka cam tikah;
Zangfahnak in bawm aw,
Phan nak um lo in;
Na thukam bangin ka zum;
Na thu thianghlim khal ka zum;
Keimah ruuntu na si,
Na hnen thlacam in.

Maw Bawipa i duh aw,
Nangmai’ ta ka si;
Lampalh lawn i hruai aw,
Leitlun ram ah hin;
Ka lam kha run tleuter aw,
Na sunlawinak sung ah hin;
Ka beu nak hmun na si,
Nangmai’ ta ka si.

Maw Bawipa i thup aw,
Na ṭaangsung nuamah;
Dawtnak in i hruai aw,
Na vancung ramah;
Khuaruahhar lungawi te in,
Thangṭhatnak hla ka sak ding;
Ruuntu Bawi na hnenah,
Kumkhua'n ka um ding.

MAW BAWI JESUH

Maw Bawi Jesuh ka thlarau in,
Nangmah lawng kha a duh;
Lungdaih thlangam ka hawl na in,
Atu lawng ah ka hmu.

Mi lung duhnak kimter thiam mi,
A dang zo hman umlo;
Lungawi nunnak duhnak catlo,
Jesuh thawngin a si.

Lungdaih nomnak ka hawl tikah,
Nangmah ka ruat ban lo;
Runntu Bawipa ka el hmanah,
Dawtnak in i hruai zo.

Leitlun nomnak le daihnak ah,
Ka duh ka hawl na in;
Ka hmu zo ti’n ka ruah tikah,
Thinnaunak lawng a si.

Jesuh na duhnunnak hmu ding,
Ka mit a van hlan cu;
Hi lei nomnak ka ṭah na in,
Nangmah hrang ṭap lo in.

MAW A SUNGLAWI THISEN

Maw a sunglawi thisen,
A luang thing Kros parin;
In tlen sual mawhnak in,
Misual thiam in co ter;
Misual dumbik a varnak cu,
(Kalvari tlang thisen a si)2

Maw a sunglawi thisen,
Vanlamzin in hruaitu;
Vanram kan thlen tikah,
Kumkhua kan hla ding cu;
Thisen,thisen,thisen,thisen,
( Ti in bang lo in kan sak ding)2

Maw tlangmawi Kalvari,
Mi in nautat hmanseh;
Tlangdang hmuahhmuah hnak in,
Ka hrangah a sunglawi;
Lungawinak tlang, maw tlang thianghlim,
(Pathian thisen a luannak cu)2

MANGBANGZA RUUNTU

Jesu'n sual nak hmuah a thlah zo,
Mangbangza Ruuntu a si!
A nunnak liam in in tlen zo,
Mangbangza Ruuntu a si!

Mangbangza Ruuntu Bawipa a si, Ka Bawi Jesuh!
Mangbangza Ruuntu Bawipa a si, Bawi Jesuh!

Ka lung sung sualnak a thian ter,
Mangbangza Ruuntu a si!
Pathian hnenah kan lung um ter,
Mangbangza Ruuntu a si!

Kan um- nak kip ah in umpi,
Mangbangza Ruuntu a si!
Nitin te'n in kil-veng camcin,
Mangbangza Ruuntu a si!

A hu thawmlian nehnak in pek,
Mangbangza Ruuntu a si,
Zuamnak thinlung fekte in pek,
Mangbangza Ruuntu a si!

MANGBANGZA NUNNAK THU

Hla sak nak in in sim hrih uh,
Mangbangza nun nak Thu,
A mawinak kha in hmuh ter aw,
Mangbangza nun nak Thu,
A mawi nunnak Thu cu,
Nun daan ding in zirh tu.

        A mawi mi Thu, mangbangza Thu,
        Khawruahhar nun nak Thu.
        A mawi mi Thu, mangbangza Thu,
        Khawruahhar nun nak Thu.

Jesuh, in mi kip a pek mi,
Mangbangza nun nak Thu,
Misual hmuah in ngai tlang cio uh,
Mangbangza nun nak Thu, Man ngen lo a
lak in, Vancung ah in thleng ter.

Lung awi nak thu cu sim sin uh,
Mangbangza nun nak Thu,
Mi hmuah hrangah remnak a um,
Mangbangza nun nak Thu,
Ruuntu Bawipa Jesuh,
Nang cu in thianter tu.

MANGBANGZA JESUH DUHDAWT ZANGFAH NAK

Jesuh duhdawt zangfah nak; Ka sual hnakin tum sawn,
Ka thazaang a za te in; A mah ka thangṭhat ding,
Ka bawm rit hmuah ii sawng ih; Ka thlarau a luat ter,
Mangbang za Jesuh duhdawt zang fah nak ka hmu.

Mangbang za Jesuh duhdawt zangfah nak, a zangfah nak,
Ti finriat ti hnakin a thuk hnakin a thuk deuh.
Mang bangza zangfahnak ka hrangah zeizongza a si,
Ka mawh le palh nak hnakin a kau deuh,
Ka sual ningzah hnakin a tum sawn.
Maw Jesuh hmin sunglawi thanter in,
A hmin thang ṭhat uh.

Jesuh duhdawt zangfah nak; A hlo mi pawl hrangah,
Thisen in ngaidam ka si; Sungbik run nak i pek,
Hremnak cikcin ii phoih sak; Za len nak khal i pek,
Mangbang za Jesuh duhdawt zang fah nak ka hmu.

Jesuh duhdawt zangfah nak; Mi sual ka hrang a si,
A cah nak hu le thawm in; Fa hniangah i can ter,
Daihnak hnangam nak i pek; San khuk daih mi a si,
Mangbang za Jesuh duhdawt zang fah nak ka hmu.

MANGBANGZA HLA KA SAK DING

Mangbangza hlasak ka duh mi,
Bawi Jesuh a thihnak thu,
Vancung sunlawi nak hmuah taanin,
Hrengkhen thihnak khi tuarin.

Mangbangza khi hla ka sak ding,
Kei hrang Jesuh thinglamtah,
Vanmi thawn khi hla kan sak ding,
Tiva kam ton khawmnakah.

Vaakvai hman ning Jesu'n i hmu,
A hlo mi tuu a hmuh bang,
Amai’ kutin keimah hruai ding,
Lamṭha ah i fehpi ding.

An hai in nat ka tuar tikah,
Bawi Jesuh in i damter,
Mit-mal thinphannak um tikah,
Himte in lam i hmuter.

Vanduai in ka lam har hmanseh,
Ninghannak ah ka um lo.
Kei thawn Jesuh um camcin seh;
Himdam te'n i hruai ve ko.

Ka thihnak caan a thlen tiangin,
Jesuh in i umpi ding;
Ka duh mi tla ka hmuh tiangin,
Vancung khua i fehpi ding.

MALSAWMNAK NEITU

Malsawmnak neitu Pathian in,
Nitin in vur mamawh hmuah tla,
A fa ih can mi ka rak si si,
A thu ih feh a va nuam em,
Ka cahnak bik Jesuh a si,
Ka hlimin ka muang em em ee.

Amah cu ka cahnak le,
Nitin ka nun, ka nun,ka nun hmuah ah hin,
Theilo ih ka um lai khalah hin,
Amah Jesuh ih ka sinak cahnak lawng cu thei in,
Ka hlim em em a si.

Ka thinlung ngaihtuahnak men cun,
Jesuh theilo in a feh ṭheu,
Duh-amnak sualnak tla ahril ṭheu,
Hmanseh ka theih lo lai khalah,
I kilin i rak hruai camcin,
Ka hlimin ka muang em em a si.

Ka theihlo ni tampi khalah,
A hrang ih nung ka rak si hi,
Hmanseh keimah ka zoh awkah hin,
Cahlonak sualnak pawl a lang,
Caklo in ka rak thi ziar ih,
Ti theimi ka rak neilo ee.

MAL IN SAWM DINGIN

Mal in sawm dingin,
Van khuaah ro a rel;
Eden sangkhar an ong leh zo,
Lut uh! Zion khua a var zo.

Lawm uh, lawm uh, in tlentu,
Tuu nunnem a suak zo;
Fak uh Halelujah Amen, Halelujah,
In tlen dingin a rung suak.

Zan hla mawi aw cun,
Lei hi a run hninter;
Edenih itthat an thosal,
Sun Arsi khuiah so an ti

Bawi hmuahih Bawibik,
Le Zion roreltu;
Hringmi ah ziangti’n a suak thei,
Mangbangza in duhdawtnak cu.

Thangṭhat nonsal uh,
Lei le vancung miin;
Tifinriat le leitlun hmuah hi,
Zaihla’n khatseh Halelujah.

VANCUNG DARKHING TUM AW

Vancung darkhing tum aw, Tuini lungawi nak!
Sualnak sir tu mi pakhat a um,
Zoh hnik! lam hlatpi in a Pa in a hmuak,
A hlo mi rethei fapa a si.

Lawm uh, Vancung mi in hla an sak,
Lawm uh, ṭingṭang tum in hla an sak,
Tilet tho bang in na pi in sak cio uh,
Tlencia mi in kumkhua hla sak uh.

Vancung darkhing tum aw, Tuini lungawi nak!
Lampalh mi fa in a pa a hmu,
Sual retheih nak sung in runnak kha a hmu,
A hlo cia mi fa kha a tlung zo.

Vancung darkhing tum aw, Puai tuah nak a um,
Vanmi in lungawi nak hla an sak,
A sunglawi thuthan uh, Ram hlatpi thlengseh,
Pathian Thiang Thlarau kha rung tum seh.

A hlo mi khi fapa tu a kir saal zo,
A pai’ inn sungah lawmnak a um;
Vancung mi khalin thangṭhat in an lawm cio,
A sunglawi mi hla sak ding a um.

NANGMAH A LO TUL

A tu kan san leng le val,
Kan ram hrangah ziang nan tuan cio,
A mawi mi ram, Zoh ah nan riah a sia lo maw?
Mitthli thawn, Ni tin thla cam uh si.

A mawi ngai ve ko kan Lairam fing le tlang hi,
Ziangtin tutiang Jesuh mit hmai a len lo?
Zo so kan rin kan ram hrangah,
Jesuh in, nangmah a lo tul.

Nang na tel lo a si le,
A thim sin ding kan mai’ ruangah, Maw u le nau,
Tih a nung tuk a tu kan nun nak caan hi,
Thlarau thutak kan tul.

Ramthar tleu ter tu dingah,
Nang le kei in tuan vo kan nei, Na thei ve maw?
Tleu vaar thlangseh kan kan ram hi Jesuh in,
A tha bik rian in fial.

LUNGTAK IN KA RUAT

Vei tam pi kei mah in,
Lungtak in ka ruat theu,
Vancung khua kha ka naih sinsin,
Hmaisa hnakin naih deuh.

Vancung inn kha ka naih sinsin,
Tui ni inn nuam ka naih sinsin,
Hmaisa hnak in naih sin.

Umnak tampi a um,
Ka Pai’ inn vancung ah,
A raang tonak ka naih mi cu,
Nunnak tiva kiangah.

Thlirit thumnak hmunah,
Vancung khua ka naih sin,
Thinglamtah ka thumnak hmunah,
Sui lukhuh ka naih sin.

Thihnak tiva kamah,
Keimah ka thlen tikah,
Bawipa keimah i dinpi aw,
Ka inn i naihter aw.

LUNGSUNG TLEUNAK A UM

Tui ni ka sungah tleunak a um,
Sunglawi tleunak a si,
Nitleu hnak in tleu sawn a um,
Jesuh tleu nak a si,

Maw a sunglawi tleu nak a um,
Thlangam lungawi nak a lang tikah,
Jesuh hmai ṭha kan hmuh tik ah,
Ka lungsung tleunak a um.

Tui ni ka sungah hla mawi a um,
Thangṭhatnak hla a si,
Kei ka sak thiam lo mi hla khi,
Bawi Jesuh in a thei,

Tui ni ka sungah tharnak a um,
Bawipa a nai tik ah,
Lung nomnak hla ka sung a um;
Zangfahnak um tik ah.

Tui’ ni ka sungah tleunak a um,
Ruahsan dawtnak a si,
Atu thlawsuahnak i pek mi,
Lungawinak vanah um.

LUNGRUAL TAKIN LALPA

Lungrual takin Lalpa kan lennak tlang cungah,
Kalvari ti nung ka inpite kha;
Kar hlanih kan lennak tlang a dang ding cu,

Na kalnak zalam sau hmanseh phang lo in,
Nehtu Lalpa in a lo hruai ding;
Damtein ngai lai liam aw,
Bawipai' malsawmin.

Aw na kal lai ni cun Kros cu iang hmansehla,
Lal Thlarau Thianghlimin a lo hruai ding;
Lungngainak suumzing le rallian tawn hlan law.

Leiih lenrual ṭhen cu Zion tlang mawi cungah,
Rinnakin kan lengza e lungrualin;
Nunnak thing le ka Bawipai' thla zar hnuaiah.

LUNGKHAT TE’N TUAN UH

Kan pupa zumnak fekcu, thlah loin kaihnget uhsi;
Sim ka duh, an nunzia pawl,
Thinlung khat te in an um; fel zetih nun ding an zuam;
Dawtnak nei uh Bawipai’ sim bang.

Hmanseh, zohhman uh, atu san kan nun,
Kan pupa ih nun a leeng nawn lo,
Ruahsal caan cu zo, remsal caan thleng zo,
Lungrual te in tuan uhsi.

Kan pupai’ lungput tha khi, kan lungput cio si hramseh;
Sim ka duh, an nunzia pawl,
Duhham, depdet an duh lo, zu le sa khal an zoh lo;
Ni thiang cu fel zetin an ul.

Kan pupai’ lungput a thiang, kan lungput si cio hramseh;
Sim ka duh, an nunzia pawl,
Tluangkhawn, porhawk an duh lo,
Mi nautat khal an hmang lo;
Nun daan zirhnak thate’n an thlun.

Hringtu pa upat uhsi, Pathian ih hmuihmel an cuang;
Sim ka duh, an nunzia pawl,
Lungthin leh thacem ko in, kan hrangah zonzaih an tuar,
In hmuh zo fimthiamnak lunun.

LUNGAWINAK NI SUNGLAWI

Sun zan um lo a tleu nak hmun,
Van cungmi pawl len nak hmun,
Jesuhsunlawinak thawn a rat sal tik ah,
A mi thiangpawl tlakokhawn in,
A tlen cia mi pawl tlathawn,
Tawtawrawt aw thei in a tho sal leh ding.

Na ral ring maw? ring maw?
Bawipa tong ding ah,
Naphurh, na tuan, na hawl lai ah hin,
Na ral ring maw, ring maw?
Bawipa tong dingah.
Sunlawi nak ni hrang na ralring maw?

Jesuh a tum sal ni ah cun, Mit thepkar can tawi te ah,
A siattheimitak sa cu thleng sal leh ding,
A zum tu pawl an tho salding,
A mi pawlin rak hmuakin,
Zingsun zan ti um lo in a ra thleng ding.

Bawipa a tum sal ni ah cun,
Kan sualnak cu tam hmanseh,
Kalvary a luangmi thi ah cun kholhin,
Vurpar le tu hmulbangthiangin,
Himte’n kan nun nak hum ding,
A mi thiangpawlko in van in a tum ding.

LUNGAWINAK LUKHUH KHUM NI

Sun zan um lo a tleu nak hmun,
Van cungmi pawl len nak hmun,
Jesuhsunlawinak thawn a rat sal tik ah,
A mi thiangpawl tlakokhawn in,
A tlen cia mi pawl tlathawn,
Tawtawrawt aw thei in a tho sal leh ding.

Na ral ring maw? ring maw?
Bawipa tong ding ah,
Naphurh, na tuan, na hawl lai ah hin,
Na ral ring maw, ring maw?
Bawipa tong dingah.
Sunlawi nak ni hrang na ralring maw?

Jesuh a tum sal ni ah cun, Mit thepkar can tawi te ah,
A siattheimitak sa cu thleng sal leh ding,
A zum tu pawl an tho salding,
A mi pawlin rak hmuakin,
Zingsun zan ti um lo in a ra thleng ding.

Bawipa a tum sal ni ah cun,
Kan sualnak cu tam hmanseh,
Kalvary a luangmi thi ah cun kholhin,
Vurpar le tu hmulbangthiangin,
Himte’n kan nun nak hum ding,
A mi thiangpawlko in van in a tum ding.

LUNGAWI MI RA UH

Lungawi mi tla ra cio uh, Lo tuan lai ah hla sak uh,
Rawl inn sung nan khum dingah, Faangtel hmuah in an khawm zo!
Kan duh mi kim ter dingah Pathian in zongza pek zo,
Bawipa Biak inn ah lut uh, Lungawi nak hla kha sak uh.

Leitlun Pathian ta asi, Amah thangthat ding zuam uh;
Hram le faang hmunkhat cing uh, Siat le that nak cing tlang uh;
A vui in a paar hnu ah, Faangmu tha ah a cang ngah;
Rawl mutha si thei ding ah, Maw Bawipa in bawm hram aw.

Bawipa Pathian a thleng ding, Rawltha inn ah a tlun ding;
Amah raalsan tu hmuah in, A suah theh ding lo sung in,
vanmi tla an tum hnu ah, Hram cu mei-sa ur ding ah.
Rawl mutha cu a khawm ding, A kumkhua in an him ding.

Bawipa zamrang in tum aw, Neta bik rawlkhawm ding in,
Na mi hmuah kha rung khawm aw, Ninghan le sual nak lak in,
Kumkhua in thiangfai ter aw, Nangmai’ hnen ah um ding in.
Na vanmi thawn tlung ter aw, Rawlkhawm nak cu thangthat uh.

LUNGAWI MI HMUAH RA UH

Lungawi mi hmuah ra uh, Run tu hmin duh tu pawl,
Nan thazaang suahcio uh, A hmin thangthat cio uh;
Ram kip ah a hmin thangter uh,
Ram kip ah a hmin thang
ter uh, Lei ba kan nei a duh dawt nak.

Arsi lu khum tan in, A puan sunglawi tanin,
Hi lei ah a rung tum, Thihnak har bik tuar in,
A tuar nak kaa in sim cawk lo,
A tuar nak kaa in sim
cawk lo, In ruun kan thla rau thih nak in.

A tho sal thlan sung in, Thih nak thlan thim sungin,
A ral pawl hmuahhmuah cu, A ma’n a neh thluh zo,
Neh tu Bawi van ah a kai zo,
Neh tu Bawi van ah a
kai zo, In uk thluh zo van cung ram ah.

A rung tumsal leh ding, A van ralkap hmuah thawn;
Zumtu pawl hruai dingin, A nuam vancung ramah,
A mit hmai tha cu kan hmu ding,
A mit hmai tha cu kan hmu ding,
A tang sungah kan um lan ding.

LUNGAWI IN KAN LO THANGṬHAT

Lungawi in Bawipa kan thangṭhat,
Duhdawtnak sunglawi Pathian;
Lungsung ruahnak phun kim a khat,
Na hmai ah kan phuang Pathian,
Riahsiatnak le sualnak me ro,
Zamlo nak hmuah kiangter aw;
Kumkhua lungawinak kan duh ko,
Nitlaang thawn in khat ter aw.

Na ṭuan ṭhat mi lungawinak cu,
Lei le van in an langter;
Vancung mi ih hla mawi rem cu,
Cat lo thangthatnak si ter,
Fing le tlang le lo le ram tla,
Pangpar mawi tlimno hngilhngial;
Vate awn thawngle ti luang tla'n,
Lungawi cio uh ti'n in fial.

Nangma'n in peek, in ngaithiam fawn,
Thlawsuahnak in peek cam cin,
Nunnomnak cerhti bang luang fawn,
Tipi banginthuk sinsin;
Khrih kan u nau, Nangmah kan Pa,
Kan zate'n na mi kan si;
In zirh aw duhdawtnak thuhla,
Nunnuamnak thawn in khat ter.

LUNG NGAINAK SUAL TINKIM IN

Lungngainak sual tinkim in i kulh vel,
Thihnak hmun hruai dingin;
Rinnak in dunglam ka hoi kir i,
Ruuntu Bawipa’n i run hawl.

Ka lung a awi sinsin tunah hin,
Ruuntu Bawi ngil nei tak duhdawttu cun;
Ka thlarau a sanhim leh zo.

Lungawinak thinlung famkim ka neih hi,
Jesu’n in pek a si;
Lei lawmnak ai-ih lawmnak sunglawi,
Van lawmnak in ka khat sin.

Tuu nunnem Lal lennak tlang ka thlirin,
Lungawinak in i hmuak;
Thihnak Jordan ka kai tikah cun,
Van ruai sunglawi ka kil ding.